sabz inqalab

ye badalte hue mausamoñ kā samāñ

jagmagātī huī shoḳh pagDañDiyāñ

lahlahātī huī dhaan kī bāliyāñ

gungunātī huī nahr par chakkiyāñ

kār-ḳhānoñ meñ lohā pighaltā huā

aur khaliyān sonā ugaltā huā

gaañv ko faḳhr hai shahr ko naaz hai

vo agar ek naġhma to ye saaz hai

is na.ī zindagī kā ye e.ajāz hai

desh bhar kī ye bharpūr āvāz hai

apnī dhartī ko jannat-badāmāñ kareñ

koh ko kaaT kar ham gulistāñ kareñ

ḳhud-kifālat ke jazbe se māmūr haiñ

ḳhvāb kyā ab bhī ta.abīr se duur haiñ

ḳhud hī mālik haiñ ham ḳhud hī mazdūr haiñ

haath masrūf haiñ zehn masrūr haiñ

kitnī murda zamīnoñ meñ jaañ phūñk dī

apnī fasloñ meñ tāb-o-tavāñ phūñk dī

ye badalte hue manzaroñ kā samāñ

jagmagātī huī shoḳh pagDanDiyāñ

lahlahātī huī dhaan kī bāliyāñ

gungunātī huī nahr par chakkiyāñ

kār-ḳhānoñ meñ lohā pighaltā huā

aur khaliyān sonā ugaltā huā

ye badalte hue mausamon ka saman

jagmagati hui shoKH pagDanDiyan

lahlahati hui dhan ki baaliyan

gungunati hui nahr par chakkiyan

kar-KHanon mein loha pighalta hua

aur khaliyan sona ugalta hua

ganw ko faKHr hai shahr ko naz hai

wo agar ek naghma to ye saz hai

is nai zindagi ka ye eajaz hai

desh bhar ki ye bharpur aawaz hai

apni dharti ko jannat-badaman karen

koh ko kaT kar hum gulistan karen

KHud-kifalat ke jazbe se mamur hain

KHwab kya ab bhi tabir se dur hain

KHud hi malik hain hum KHud hi mazdur hain

hath masruf hain zehn masrur hain

kitni murda zaminon mein jaan phunk di

apni faslon mein tab-o-tawan phunk di

ye badalte hue manzaron ka saman

jagmagati hui shoKH pagDanDiyan

lahlahati hui dhan ki baaliyan

gungunati hui nahr par chakkiyan

kar-KHanon mein loha pighalta hua

aur khaliyan sona ugalta hua