sada-e-jawedan

Sahir Hoshiyarpuri

sada-e-jawedan

Sahir Hoshiyarpuri

MORE BYSahir Hoshiyarpuri

    vāhime siskiyāñ chāroñ taraf

    aur un meñ ik sadā sab se alag

    jaise sahrā meñ gulāb

    tīrgī meñ jaise ubhre māhtāb

    maut parchhā.iyoñ meñ jaise raushan zindagānī lakīr

    munkiroñ ke darmiyāñ jaise masīh

    jaise biptā meñ ghire insān ko

    apne murshid mile āshīrvād

    kaurvoñ ke dal narġha aur is meñ jaise krishn

    bāñsurī mohne vaalī sadā

    halkī halkī dhīmī dhīmī kaif-zā

    ye sadā hai azm-e-insāñ payām

    azm-e-insāñ sadā āfāqiyat

    azm-e-insāñ sadā lā-fāniyat

    azm-e-insāñ sadā jamhūriyat

    ye sadā hai ik navā-e-dil-sitāñ

    ye sadā aflāk meñ parcham-fashāñ

    ye sadā māhaul meñ har-dam ravāñ

    ye sadā har dil dhaḌkan se ayaañ

    ye sadā hai ruuh jo hai jāvedāñ

    jism martā hai sadā martī nahīñ

    wahime ki siskiyan chaaron taraf

    aur un mein ek sada sab se alag

    jaise sahra mein gulab

    tirgi mein jaise ubhre mahtab

    maut ki parchhaiyon mein jaise raushan zindagani ki lakir

    munkiron ke darmiyan jaise masih

    jaise bipta mein ghire insan ko

    apne murshid ka mile aashirwad

    kaurwon ke dal ka nargha aur is mein jaise krishn

    bansuri ki mohne wali sada

    halki halki dhimi dhimi kaif-za

    ye sada hai azm-e-insan ka payam

    azm-e-insan ki sada aafaqiyat

    azm-e-insan ki sada la-faniyat

    azm-e-insan ki sada jamhuriyat

    ye sada hai ek nawa-e-dil-sitan

    ye sada aflak mein parcham-fashan

    ye sada mahaul mein har-dam rawan

    ye sada har dil ki dhaDkan se ayan

    ye sada hai ruh jo hai jawedan

    jism marta hai sada marti nahin

    Source :
    • Book : Sehr-e-Khayal (Pg. 46)
    • Author : Sahir Hoshiarpuri
    • Publication : Modern Publishing House (1990)
    • Edition : 1990
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY