sada-kar

sunñe vāloñ ko dhaḌaktī huī tanhā.ī meñ

kaun dar aatā hai chupke se tamannā ban kar

kis kī āvāz havāoñ kī subuk lahroñ par

raqs kartī nazar aatī hai tamāshā ban kar

kaun lafzoñ ko atā kartā hai tasvīr kā husn

kaun dil meñ utar aatā hai masīhā ban kar

kis kī dhaḌkan meñ hai kirdāroñ ke dil kī dhaḌkan

kaun ubhar aatā hai mahtāb kā haala ban kar

kitne zehnoñ ke ufuq kitne diloñ ke aflāk

tīrgī meñ bhī farozāñ haiñ ujālā ban kar

kitne an-jānoñ kī taskīn-e-samā.at ke liye

apnī āvāz ke jaadū se ye ras gholte haiñ

sarsarāte hue lamhoñ kī subuk-raftārī

kah rahī hai ki ye tūfānoñ meñ par taulte haiñ

koī bhī ruup ho bahrūp badal kar ye log

pech-dar-pech fasānoñ kī girah kholte haiñ

vo shanshah ho ki daryūza-gar-e-rāh-e-hayāt

apne kirdār ke ausāf liye

sunne walon ko dhaDakti hui tanhai mein

kaun dar aata hai chupke se tamanna ban kar

kis ki aawaz hawaon ki subuk lahron par

raqs karti nazar aati hai tamasha ban kar

kaun lafzon ko ata karta hai taswir ka husn

kaun dil mein utar aata hai masiha ban kar

kis ki dhaDkan mein hai kirdaron ke dil ki dhaDkan

kaun ubhar aata hai mahtab ka haala ban kar

kitne zehnon ke ufuq kitne dilon ke aflak

tirgi mein bhi farozan hain ujala ban kar

kitne an-jaanon ki taskin-e-samaat ke liye

apni aawaz ke jadu se ye ras gholte hain

sarsaraate hue lamhon ki subuk-raftari

kah rahi hai ki ye tufanon mein par taulte hain

koi bhi rup ho bahrup badal kar ye log

pech-dar-pech fasanon ki girah kholte hain

wo shanshah ho ki daryuza-gar-e-rah-e-hayat

apne kirdar ke ausaf liye