safar

maiñ jab ik safar pe chaltā huuñ

maiñ bhāgtā huuñ maiñ ruktā huuñ

maiñ dauḌtā huuñ maiñ girtā huuñ

safar kī taptī dhuup se chhāñv meñ

jab maiñ dam letā huuñ

maiñ jāne-anjāne meñ ye sab sochne lagtā huuñ

kahīñ koī ġhalat moḌ to nahīñ liyā

ki saḌak ke kināre koī miil kā patthar nahīñ aayā

maiñ sochtā huuñ ki kyoñ na vāpas chalā jaa.e

ki manzil to hai duur par apnā ghar nazar aa.e

ye tanhā safar hai choT lage to marham kaun lagā.e

is ghabrā.e dil ko ye kaun samjhā.e

ki ab apnī hī zid par ye nādān pachhtā.e

maiñ jāne-anjāne meñ ye sab kyoñ sochtā huuñ

āḳhir anjān rāste kabhī naape nahīñ hote

aur manzil koī bhī ho duur hī hotī hai lekin

rāste vāpsī ke lambe nahīñ hote

tanhā safar dushvār hai choT ke sab āsār hai

ghar lauTā be-kār hai nā-ummīdī meñ haar hai

maiñ jab ik safar pe chaltā huuñ

main jab ek safar pe chalta hun

main bhagta hun main rukta hun

main dauDta hun main girta hun

safar ki tapti dhup se chhanw mein

jab main dam leta hun

main jaane-anjaane mein ye sab sochne lagta hun

kahin koi ghalat moD to nahin liya

ki saDak ke kinare koi mil ka patthar nahin aaya

main sochta hun ki kyon na wapas chala jae

ki manzil to hai dur par apna ghar nazar aae

ye tanha safar hai choT lage to marham kaun lagae

is ghabrae dil ko ye kaun samjhae

ki ab apni hi zid par ye nadan pachhtae

main jaane-anjaane mein ye sab kyon sochta hun

aaKHir anjaan raste kabhi nape nahin hote

aur manzil koi bhi ho dur hi hoti hai lekin

raste wapsi ke lambe nahin hote

tanha safar dushwar hai choT ke sab aasar hai

ghar lauTa be-kar hai na-ummidi mein haar hai

main jab ek safar pe chalta hun