safar par nikla musafir palaT kar apne ghar ko aa jata hai

safar par niklā musāfir palaT kar apne ghar ko aa jaatā hai

zamīn dā.ere meñ ghuum kar phir usī maqām se apne safar kī ibtidā kartī hai

vaqt ek tez raftār ghoḌā hai

jo haal ko maazī meñ tabdīl kartā mustaqbil kī taraf dauḌā chalā jā rahā hai

kumhār kā chaak ghuum rahā hai

aur

kumhār ke mashshāq haath miTTī se muḳhtalif paikar tarāsh rahe haiñ

tahzīb-o-tamaddun intihā ko pahuñch kar phir apnī ibtidā ko palaTte haiñ

tumhārī pasand nā-pasand par tumhāre aslāf asar-andāz haiñ

aadmī apne sanskāroñ se bañdhā hai

ye kāl-chakr

kumhār kā ghūmtā huā pahiya

tumhārī tahqīq-e-tajdīd hai tumhāre pahloñ kī

har mukammal nā-mukammal hai

har taḳhlīq

ek tajassus nā-mukammal se mukammal kī taraf

zindagī

ikaa.ī meñ ikaa.ī ke jam.a kā amal

lā-mahdūd tak

safar par nikla musafir palaT kar apne ghar ko aa jata hai

zamin daere mein ghum kar phir usi maqam se apne safar ki ibtida karti hai

waqt ek tez raftar ghoDa hai

jo haal ko mazi mein tabdil karta mustaqbil ki taraf dauDa chala ja raha hai

kumhaar ka chaak ghum raha hai

aur

kumhaar ke mashshaq hath miTTi se muKHtalif paikar tarash rahe hain

tahzib-o-tamaddun intiha ko pahunch kar phir apni ibtida ko palaTte hain

tumhaari pasand na-pasand par tumhaare aslaf asar-andaz hain

aadmi apne sanskaron se bandha hai

ye kal-chakr

kumhaar ka ghumta hua pahiya

tumhaari tahqiq-e-tajdid hai tumhaare pahlon ki

har mukammal na-mukammal hai

har taKHliq

ek tajassus na-mukammal se mukammal ki taraf

zindagi

ikai mein ikai ke jama ka amal

la-mahdud tak