safar

Saleem Ahmed

safar

Saleem Ahmed

MORE BYSaleem Ahmed

    ka.ī sar-zamīneñ sadā de rahī haiñ ki aao

    ka.ī shahr mere ta.āqub meñ haiñ chīḳhte haiñ na jaao

    ka.ī ghar lab-e-hāl se kah rahe haiñ

    ki jab se ga.e ho

    hameñ ek vīrān tanhā.ī ne Das liyā hai

    palaT aao phir ham ko ābād kar do

    vo sab ghar

    vo sab shahr.... sab sar-zamīneñ

    mohabbat chhoḌī huī rahguzar ban ga.ī haiñ

    kabhī manzileñ thiiñ magar aaj gard-e-safar ban ga.ī haiñ

    mohabbat safar hai

    musalsal safar hai

    so maiñ tujh se terī jānib safar kar rahā huuñ

    kai sar-zaminen sada de rahi hain ki aao

    kai shahr mere taaqub mein hain chiKHte hain na jao

    kai ghar lab-e-haal se kah rahe hain

    ki jab se gae ho

    hamein ek viran tanhai ne Das liya hai

    palaT aao phir hum ko aabaad kar do

    wo sab ghar

    wo sab shahr sab sar-zaminen

    mohabbat ki chhoDi hui rahguzar ban gai hain

    kabhi manzilen thin magar aaj gard-e-safar ban gai hain

    mohabbat safar hai

    musalsal safar hai

    so main tujh se teri hi jaanib safar kar raha hun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY