sahaara man hai
dukh ke lamhoñ meñ mirā ek sahārā maañ hai
maiñ agar Dūbtī kashtī huuñ kināra maañ hai
us ke qadmoñ meñ jo jannat hai to matlab ye hai
āsmānoñ se jise rab ne utārā maañ hai
ḳhushbū aisī ki mirī ruuh talak mahkī hai
raushnī aisī ki bas nuur kā dhārā maañ hai
tapte sahrāoñ meñ kis tarah bhaTak saktī huuñ
mujh ko jo raah dikhā.e vo sitāra maañ hai
us ke har dukh ko maiñ lafzoñ meñ samotī kaise
maiñ ne ashkoñ se bas ik lafz ubhārā maañ hai
sab ne pūchhā ki bhañvar se tū bachegī kaise
maiñ ne be-sāḳhta 'najma' ye pukārā maañ hai
dukh ke lamhon mein mera ek sahaara man hai
main agar Dubti kashti hun kinara man hai
us ke qadmon mein jo jannat hai to matlab ye hai
aasmanon se jise rab ne utara man hai
KHushbu aisi ki meri ruh talak mahki hai
raushni aisi ki bas nur ka dhaara man hai
tapte sahraon mein kis tarah bhaTak sakti hun
mujh ko jo rah dikhae wo sitara man hai
us ke har dukh ko main lafzon mein samoti kaise
main ne ashkon se bas ek lafz ubhaara man hai
sab ne puchha ki bhanwar se tu bachegi kaise
main ne be-saKHta 'najma' ye pukara man hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
