salamat sabucha tera saqiya

azal bhūlā-bisrā sā ik ḳhvāb hī

sahī

band ik baab hī vo sadā ke liye

magar bārhā

harf-e-haq lauh-e-jāñ se miTāyā gayā jab

ba-anvā.a-e-jabr

azal hī vo misra uThānā abad tak jise nā-guzīr

dhamāke se pahle kī ik sansanī

banī imtihāñ-gāh meñ

ḳhauf-o-dahshat ke ham-dosh ik zimmedārī kā baar

yahāñ ham na hote jo ummīd-vār

to hote koī aur apne hī vo ham-nazhād

zamīñ āsmāñ faḳhr se aur ġhubār-e-pas-o-pesh ham

dekhte in ko kis rashk se

savālāt pechāk se irtiqā ke juḌe be-shumār

vo hal kar rahe haiñ

fatānat meñ shāmil diyānat ke saath

sitāroñ kī taqdīm ko kis ne dekhā hai

lazzat-kash intizār

jarīde meñ sabt apne naam

jahāñ dekh pā.eñge

sat.h-e-vajūd

vo hai duur kitnī

jahāñ jā ke aalam tamām

tirā mai-kadā sāqiyā

abhī āb-o-gil meñ guñdhī

aur abhī parda-e-ġhaib se jhāñktī yād-dāsht

bahut us ne dekhe tulū-o-ġhurūb

bahut pesha-var sach kā phailā huā kārobār

jarā.em kī jin ke tanāvar tane

ye fannī mahārat kī ik bartarī

aur vo power sipar

mukāfāt kī un ke sar par jo rut aa ga.ī

sutūñ-dar-sutūñ thā dhuāñ ug rahā

un ke thāloñ ke beach

natīje kī fihrist se naam kitne

ki bajtā thā Dañkā kabhī jin kā

ho kar rahe lāpata

na koī dhamāka na koī jhamāka

na duniyā dulhan

pakaḌ kar jakaḌ kar jalā.ī ga.ī

qalam ke navishte se panpā huā ḳhvāb-zār

vahīñ tak hai sarsabz

khoyā qalam ne jahāñ tak nahīñ e'tibār

magar pāsbān-e-mafādāt said

qalam ne jahāñ likh diyā urf sayyād kā

vahīñ shāḳh-e-zaitūn

gul-dān ārā.ishī kā asāsa banī

qalam ko bachā

harf-e-haq kī sazā

bhugatne kī ḳhātir sadā

sāqiyā

salāmat sabūcha tirā

azal bhula-bisra sa ek KHwab hi

sahi

band ek bab hi wo sada ke liye

magar barha

harf-e-haq lauh-e-jaan se miTaya gaya jab

ba-anwaa-e-jabr

azal hi wo misra uThana abad tak jise na-guzir

dhamake se pahle ki ek sansani

bani imtihan-gah mein

KHauf-o-dahshat ke ham-dosh ek zimmedari ka bar

yahan hum na hote jo ummid-war

to hote koi aur apne hi wo ham-nazhad

zamin aasman faKHr se aur ghubar-e-pas-o-pesh hum

dekhte in ko kis rashk se

sawalat pechaak se irtiqa ke juDe be-shumar

wo hal kar rahe hain

fatanat mein shamil diyanat ke sath

sitaron ki taqdim ko kis ne dekha hai

lazzat-kash intizar

jaride mein sabt apne nam

jahan dekh paenge

sath-e-wajud

wo hai dur kitni

jahan ja ke aalam tamam

tera mai-kada saqiya

abhi aab-o-gil mein gundhi

aur abhi parda-e-ghaib se jhankti yaad-dasht

bahut us ne dekhe tulu-o-ghurub

bahut pesha-war sach ka phaila hua karobar

jaraem ki jin ke tanawar tane

ye fanni mahaarat ki ek bartari

aur wo power sipar

mukafat ki un ke sar par jo rut aa gai

sutun-dar-sutun tha dhuan ug raha

un ke thaalon ke beach

natije ki fihrist se nam kitne

ki bajta tha Danka kabhi jin ka

ho kar rahe lapata

na koi dhamaka na koi jhamaka

na duniya dulhan

pakaD kar jakaD kar jalai gai

qalam ke nawishte se panpa hua KHwab-zar

wahin tak hai sarsabz

khoya qalam ne jahan tak nahin e'tibar

magar pasban-e-mafadat said

qalam ne jahan likh diya urf sayyaad ka

wahin shaKH-e-zaitun

gul-dan aaraishi ka asasa bani

qalam ko bacha

harf-e-haq ki saza

bhugatne ki KHatir sada

saqiya

salamat sabucha tera