samandar ka sukut

Chandrabhan Khayal

samandar ka sukut

Chandrabhan Khayal

MORE BYChandrabhan Khayal

    aaj phir ghaat meñ baiThā hai samundar sukūt

    ham ko ik dūsre se duur rahnā hogā

    ham ko har haal meñ majbūr rahnā hogā

    mujh ko is daur-e-jarāhat se guzar jaane de

    mujh ko jiine tamannā nahīñ mar jaane de

    merī taqdīr meñ ġham haiñ to koī baat nahīñ

    mujh ko zulmat guphāoñ meñ utar jaane de

    na ghabrā ki tire husn mish.al le kar

    tere hamrāh kabhī tere bichhaune ke qarīb

    raat bhar dhuum machā.egā mire jism bhuut

    aaj phir ghaat meñ baiThā hai samundar sukūt

    zarf baaqī na koī azm-e-nihāñ baaqī hai

    sirf ehsās ke chehre pe dhuāñ baaqī hai

    koī saaya hai na sāthī hai na mahfil koī

    dilkashī ḳhatm hai phir kyuuñ ye jahāñ baaqī hai

    ye jahāñ jis meñ sab atrāf tabāhī ke nishāñ

    sūrat o shakl pe zaḳhmoñ tarah phaile haiñ

    aur har zaḳhm hai insān vahshat subūt

    aaj phir ghaat meñ baiThā hai samundar sukūt

    talḳh tanhā.ī ik dard liye chehre par

    le ke phirtā huuñ maiñ zaḳhmoñ ke diye chehre par

    ruuh majrūh jabīñ zaḳhm-zada dil ghā.il

    phir bhī hañstā huuñ na.ī aas liye chehre par

    zindagī hai ki kisī shaah begam jis ko

    vaqt bāzār meñ laayā hai barhana kar ke

    aur ḳhāmosh haiñ tahzīb o tamaddun ke sapūt

    aaj phir ghaat meñ baiThā hai samundar sukūt

    vaqt kahtā hai hameñ duur rahnā hogā

    ham ko har haal meñ majbūr rahnā hogā

    aaj phir ghat mein baiTha hai samundar ka sukut

    hum ko ek dusre se dur hi rahna hoga

    hum ko har haal mein majbur hi rahna hoga

    mujh ko is daur-e-jarahat se guzar jaane de

    mujh ko jine ki tamanna nahin mar jaane de

    meri taqdir mein gham hain to koi baat nahin

    mujh ko zulmat ki guphaon mein utar jaane de

    tu na ghabra ki tere husn ki mishal le kar

    tere hamrah kabhi tere bichhaune ke qarib

    raat bhar dhum machaega mere jism ka bhut

    aaj phir ghat mein baiTha hai samundar ka sukut

    zarf baqi na koi azm-e-nihan baqi hai

    sirf ehsas ke chehre pe dhuan baqi hai

    koi saya hai na sathi hai na mahfil koi

    dilkashi KHatm hai phir kyun ye jahan baqi hai

    ye jahan jis mein sab atraf tabahi ke nishan

    surat o shakl pe zaKHmon ki tarah phaile hain

    aur har zaKHm hai insan ki wahshat ka subut

    aaj phir ghat mein baiTha hai samundar ka sukut

    talKH tanhai ka ek dard liye chehre par

    le ke phirta hun main zaKHmon ke diye chehre par

    ruh majruh jabin zaKHm-zada dil ghail

    phir bhi hansta hun nai aas liye chehre par

    zindagi hai ki kisi shah ki begam jis ko

    waqt bazar mein laya hai barhana kar ke

    aur KHamosh hain tahzib o tamaddun ke saput

    aaj phir ghat mein baiTha hai samundar ka sukut

    waqt kahta hai hamein dur hi rahna hoga

    hum ko har haal mein majbur hi rahna hoga

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now