samundar ki tah mein

Noon Meem Rashid

samundar ki tah mein

Noon Meem Rashid

MORE BYNoon Meem Rashid

    samundar tah meñ

    samundar sañgīn tah meñ

    hai sandūq

    sandūq meñ ek Dibiyā meñ Dibiyā

    meñ Dibiyā

    meñ kitne ma.ānī sub.heñ

    vo sub.heñ ki jin par risālat ke dar-band

    apnī shuāoñ meñ jakḌī huī

    kitnī sahmī huii!

    (ye sandūq kyuuñ kar girā?

    na jaane kisī ne churāyā?

    hamāre hāthoñ se phislā?

    phisal kar girā?

    samundar tah meñ magar kab?

    hamesha se pahle

    hamesha se bhī sāl-hā-sāl pahle?

    aur ab tak hai sandūq ke gird

    lafzoñ rātoñ pahrā

    vo lafzoñ rāteñ

    jo devoñ mānind

    paanī ke las-dar devoñ ke mānind

    ye lafzoñ rāteñ

    samundar tah meñ to bastī nahīñ haiñ

    magar apne lā-raib pahre ḳhātir

    vahīñ reñgtī haiñ

    shab o roz

    sandūq ke chaar reñgtī haiñ

    samundar tah meñ!

    bahut sochtā huuñ

    kabhī ye ma.ānī pākīza sub.hoñ pariyāñ

    rihā.ī ummīd meñ

    apne ġhavvās jādū-garoñ

    sadā.eñ suneñgī?

    samundar ki tah mein

    samundar ki sangin tah mein

    hai sanduq

    sanduq mein ek Dibiya mein Dibiya

    mein Dibiya

    mein kitne maani ki subhen

    wo subhen ki jin par risalat ke dar-band

    apni shuaon mein jakDi hui

    kitni sahmi hui!

    (ye sanduq kyun kar gira?

    na jaane kisi ne churaya?

    hamare hi hathon se phisla?

    phisal kar gira?

    samundar ki tah mein magar kab?

    hamesha se pahle

    hamesha se bhi sal-ha-sal pahle?

    aur ab tak hai sanduq ke gird

    lafzon ki raaton ka pahra

    wo lafzon ki raaten

    jo dewon ki manind

    pani ke las-dar dewon ke manind

    ye lafzon ki raaten

    samundar ki tah mein to basti nahin hain

    magar apne la-raib pahre ki KHatir

    wahin rengti hain

    shab o roz

    sanduq ke chaar su rengti hain

    samundar ki tah mein!

    bahut sochta hun

    kabhi ye maani ki pakiza subhon ki pariyan

    rihai ki ummid mein

    apne ghawwas jadu-garon ki

    sadaen sunengi?

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY