sanbhaala

kitnā ḳhush thā ki rag-e-sang se Tapkā hai lahū

maiñ hañsā thā ki kisī aañkh meñ aa.e aañsū

maiñ ne samjhā ki taḌaptā huā bismil koī

ziist aur maut kī lazzat ke liye tishna hai

koī kahtā thā ki gulshan meñ khilā hai ik phuul

dard-e-fan bech diyā maiñ ne masarrat ke liye

merī rātoñ mirī sub.hoñ mirī shāmoñ ne magar

maut ke raag meñ phir giit sunāyā mujh ko

aur ro-ro ke batāyā ki masarrat kaisī

manzil-o-jāda haiñ kyā aur masāfat kaisī

ye ġhalat hai ki tire ḳhūn-e-jigar se pahle

sīna-e-sang ho shaq aur lahū bah nikle

kitna KHush tha ki rag-e-sang se Tapka hai lahu

main hansa tha ki kisi aankh mein aae aansu

main ne samjha ki taDapta hua bismil koi

zist aur maut ki lazzat ke liye tishna hai

koi kahta tha ki gulshan mein khila hai ek phul

dard-e-fan bech diya main ne masarrat ke liye

meri raaton meri subhon meri shamon ne magar

maut ke rag mein phir git sunaya mujh ko

aur ro-ro ke bataya ki masarrat kaisi

manzil-o-jada hain kya aur masafat kaisi

ye ghalat hai ki tere KHun-e-jigar se pahle

sina-e-sang ho shaq aur lahu bah nikle