sannaTa

dilkashī go ufuq-tā-ufuq hai magar

dilkashī kuchh nahīñ

sarḳhushī bhī tabaq-dar-tabaq hai magar

sarḳhushī kuchh nahīñ

rāgnī kuchh nahīñ chāñdnī kuchh nahīñ

āñchaloñ meñ koī sarsarāhaT nahīñ

pāyaloñ kī kahīñ chhan-chhanāhaT nahīñ

panghaToñ par bhī kuchh gungunāhaT nahīñ

rasmasāhaT nahīñ jagmagāhaT nahīñ

muskurāhaT nahīñ

chup haiñ pagDañDiyāñ

sar-nigūñ bāliyāñ

sog meñ ġharq haiñ sar-ba-sar khetiyāñ

bevgī kā samāñ

qahqahoñ par hai āh-o-fuġhāñ kā gumāñ

zindagī ek bār-e-garāñ

saare sīnoñ meñ hai ik ḳhalish ik jalan

girya-e-ġham kā har-sū chalan

dil kī dhaḌkan hai siskāriyoñ kī tarah

desh hai mubtalā rog meñ

aadmī ġharq hai sog meñ

dhartī āzār ho kar bhī tārāj hai

zindagī kī kahīñ koī aahaT nahīñ

duur tak maut hī maut kā raaj hai

aadmī ik tabassum ko muhtāj hai

dilkashi go ufuq-ta-ufuq hai magar

dilkashi kuchh nahin

sarKHushi bhi tabaq-dar-tabaq hai magar

sarKHushi kuchh nahin

ragni kuchh nahin chandni kuchh nahin

aanchalon mein koi sarsarahaT nahin

payalon ki kahin chhan-chhanahaT nahin

panghaTon par bhi kuchh gungunahaT nahin

rasmasahaT nahin jagmagahaT nahin

muskurahaT nahin

chup hain pagDanDiyan

sar-nigun baaliyan

sog mein gharq hain sar-ba-sar khetiyan

bewgi ka saman

qahqahon par hai aah-o-fughan ka guman

zindagi ek bar-e-garan

sare sinon mein hai ek KHalish ek jalan

girya-e-gham ka har-su chalan

dil ki dhaDkan hai siskariyon ki tarah

desh hai mubtala rog mein

aadmi gharq hai sog mein

dharti aazar ho kar bhi taraj hai

zindagi ki kahin koi aahaT nahin

dur tak maut hi maut ka raj hai

aadmi ek tabassum ko muhtaj hai