sar-e-rah-guzar

sar-e-rahguzar mirī dāstāñ kā ye peḌ ab

shab-e-munjamid shab-e-be-zabāñ

se lipaT ke so.egā sub.h tak

ye vo peḌ hai

jise sīñchtā thā maiñ ḳhuun se

dil-e-munharif kī adā-e-hīla-e-nūr se

ise pheñktā thā maiñ boTiyāñ

kabhī jism kī kabhī zehn kī

kabhī ruuh kī

mirī aarzū mirī aabrū

mire naḳhl-e-harf-e-navā kabhī

tirī ek jumbish-e-lab mujhe

mujhe zindagī se 'azīz thī

mirī dāstāñ kā ye peḌ ab

shab-e-munjamid shab-e-be-zabāñ

se lipaT ke so.egā sub.h tak

jūñhī āftāb-e-naved-e-nau

sar-e-gosh-e-mauj-e-sadā-e-gul meñ Dhalā kabhī

maiñ dil-o-jigar kī matā’-e-shīsha-gudāz ko

dar-e-vāzhgūñ se karūñgā phir

usī dāstāñ pe nisār jis

kā maiñ naḳhl-e-sāya-tarāz huuñ

mire zaḳhm-e-dil

tirī mahfiloñ tire hamhamoñ tire qahqahoñ

kā maiñ saaz huuñ tirā raaz huuñ

sar-e-rahguzar meri dastan ka ye peD ab

shab-e-munjamid shab-e-be-zaban

se lipaT ke soega subh tak

ye wo peD hai

jise sinchta tha main KHun se

dil-e-munharif ki ada-e-hila-e-nur se

ise phenkta tha main boTiyan

kabhi jism ki kabhi zehn ki

kabhi ruh ki

meri aarzu meri aabru

mere naKHl-e-harf-e-nawa kabhi

teri ek jumbish-e-lab mujhe

mujhe zindagi se 'aziz thi

meri dastan ka ye peD ab

shab-e-munjamid shab-e-be-zaban

se lipaT ke soega subh tak

junhi aaftab-e-nawed-e-nau

sar-e-gosh-e-mauj-e-sada-e-gul mein Dhala kabhi

main dil-o-jigar ki mata’-e-shisha-gudaz ko

dar-e-wazhgun se karunga phir

usi dastan pe nisar jis

ka main naKHl-e-saya-taraaz hun

mere zaKHm-e-dil

teri mahfilon tere hamhamon tere qahqahon

ka main saz hun tera raaz hun