sar kaTe

hamāre iḳhtiyārāt ġhasab kar liye ga.e haiñ

in sar kaTe badan vāloñ ne

unhoñ ne baḌī dil-jam.ī se

apne sar apne apne dhaḌ se alag karvā liye

taaki vo pahchāne na jaa.eñ

unhoñ ne hameñ muñDeroñ par biThā diyā hai

taaki

jab havā tez chale to ham dūsrī taraf banī khaa.ī meñ gir paḌeñ

kabhī na uThne ke liye

vo samajhte haiñ

vo pahchāne nahīñ jā.eñge

aisā bhalā ho saktā hai

marne se pahle ham un ke sar DhūñD nikāleñge

aur jab vo havā.eñ chaleñgī

jo hamārā saath deñgī

ham un ke saroñ ko un ke sāmne kuchleñge

varna ek tarāzū hai

jis meñ ek taraf un ke sar hoñge

aur ek taraf ham sab

muāfiq havā shāyad hamārā saath de

hamare iKHtiyaraat ghasab kar liye gae hain

in sar kaTe badan walon ne

unhon ne baDi dil-jami se

apne sar apne apne dhaD se alag karwa liye

taki wo pahchane na jaen

unhon ne hamein munDeron par biTha diya hai

taki

jab hawa tez chale to hum dusri taraf bani khai mein gir paDen

kabhi na uThne ke liye

wo samajhte hain

wo pahchane nahin jaenge

aisa bhala ho sakta hai

marne se pahle hum un ke sar DhunD nikalenge

aur jab wo hawaen chalengi

jo hamara sath dengi

hum un ke saron ko un ke samne kuchlenge

warna ek taraazu hai

jis mein ek taraf un ke sar honge

aur ek taraf hum sab

muafiq hawa shayad hamara sath de