sard mausam

mausam bahut sard hai in dinoñ

tumhāre shahr meñ to barf bhī paḌ rahī hogī

aur shānoñ pe tumhāre gir rahī hogī

chāhtī huuñ ۔

siyāh coat pe gire safed barf ke zarroñ ko

chunūñ is tarah ki jaise

mirī uñgliyāñ apnī poroñ se tumhārā dard chuntī haiñ

sochtī huuñ ۔

ghar se tum jab bhī niklo apne āñchal kā sā.ebāñ kar duuñ

ki zarrā bhī koī barf kā tumhāre bāloñ kī uljhanoñ ko

chhū sake na pā sake

paaoñ rakho tum jahāñ par

hatheliyoñ ko farsh kar duuñ

tumheñ sard dinoñ se shikāyat na ho

so apnī mohabbat kī hiddatoñ se

tumhāre dinoñ ko garm kar duuñ

nāzuk-mizāj ho tum

sard mausam raas nahīñ hai tum ko

nāzuk-mizājiyoñ kā ḳhayāl rakhnā

apnā ḳhayāl rakhnā

ki mausam bahut sard hai in dinoñ

aur tumhāre shahr meñ to barf bhī paḌ rahī hogī

mausam bahut sard hai in dinon

tumhaare shahr mein to barf bhi paD rahi hogi

aur shanon pe tumhaare gir rahi hogi

chahti hun ۔

siyah coat pe gire safed barf ke zarron ko

chunun is tarah ki jaise

meri ungliyan apni poron se tumhaara dard chunti hain

sochti hun ۔

ghar se tum jab bhi niklo apne aanchal ka saeban kar dun

ki zarra bhi koi barf ka tumhaare baalon ki uljhanon ko

chhu sake na pa sake

paon rakho tum jahan par

hatheliyon ko farsh kar dun

tumhein sard dinon se shikayat na ho

so apni mohabbat ki hiddaton se

tumhaare dinon ko garm kar dun

nazuk-mizaj ho tum

sard mausam ras nahin hai tum ko

nazuk-mizajiyon ka KHayal rakhna

apna KHayal rakhna

ki mausam bahut sard hai in dinon

aur tumhaare shahr mein to barf bhi paD rahi hogi