sarojini naidu

shā.era bhī thī ḳhatība bhī siyāsat-dāñ bhī thī

naujavānān-e-vatan kī tū chahetī maañ bhī thī

tū rahī sāz-e-mohabbat par hamesha naġhma-ḳhvāñ

hai amar tū aaj bhī ai bulbul-e-hindustāñ

mādar-e-hindostāñ kā tujh se qaa.em hai vaqār

tabqa-e-nisvāñ ko terī zaat vaj.h-e-iftiḳhār

hind kī tahrīk-e-āzādī meñ terā naam hai

qābil-e-taqlīd terā vo misālī kaam hai

jazba-e-insāniyat se dil tirā ma.amūr thā

tere chehre se ayaañ rūhāniyat kā nuur thā

tere naġhmoñ kī latāfat vo tire dil kā gudāz

kaisī pur-tāsīr thī terī navā-e-dil-navāz

har taraf jaadū jagātī thiiñ vo taqrīreñ tirī

sachche motī roltī rahtī thiiñ tahrīreñ tirī

shaera bhi thi KHatiba bhi siyasat-dan bhi thi

naujawanan-e-watan ki tu chaheti man bhi thi

tu rahi saz-e-mohabbat par hamesha naghma-KHwan

hai amar tu aaj bhi ai bulbul-e-hindustan

madar-e-hindostan ka tujh se qaem hai waqar

tabqa-e-niswan ko teri zat wajh-e-iftiKHar

hind ki tahrik-e-azadi mein tera nam hai

qabil-e-taqlid tera wo misali kaam hai

jazba-e-insaniyat se dil tera mamur tha

tere chehre se ayan ruhaniyat ka nur tha

tere naghmon ki latafat wo tere dil ka gudaz

kaisi pur-tasir thi teri nawa-e-dil-nawaz

har taraf jadu jagati thin wo taqriren teri

sachche moti rolti rahti thin tahriren teri