bachchon ki eid

Masooda Hayat

bachchon ki eid

Masooda Hayat

MORE BYMasooda Hayat

    eid bahut dhuum se aa.ī

    bāzāroñ meñ raunaq laa.ī

    pahan ke achchhe achchhe kapḌe

    bachche apne ghar se nikle

    kapḌe goTe aur phaTe ke

    jhilmil karte jham jham karte

    eid milan ko pahuñche ghar ghar

    kitne ḳhush the bāham mil kar

    phenī aur miThā.ī khaa.ī

    mīThī mīThī eid manā.ī

    mile unheñ eidī ke paise

    khel khilaune ḳhuub ḳharīde

    kar baaġh meñ jhūlā jhūle

    duniyā ke saare ġham bhūle

    sab ne dil se eid manā.ī

    magar hameñ to zarā na bhaa.ī

    tum jo nahīñ thiiñ paas hamāre

    dil bhar aayā ġham ke maare

    merī 'sīmīñ' merī pyārī

    tum ko mubārak eid tumhārī

    tum ne manā.ī ḳhuub ye eid

    hameñ tumhārī huī na diid

    ham to jab tum ko dekheñge

    eid usī din samjheñge

    eid bahut hi dhum se aai

    bazaron mein raunaq lai

    pahan ke achchhe achchhe kapDe

    bachche apne ghar se nikle

    kapDe goTe aur phaTe ke

    jhilmil karte jham jham karte

    eid milan ko pahunche ghar ghar

    kitne KHush the baham mil kar

    pheni aur miThai khai

    miThi miThi eid manai

    mile unhen eidi ke paise

    khel khilaune KHub KHaride

    ja kar bagh mein jhula jhule

    duniya ke sare gham bhule

    sab ne dil se eid manai

    magar hamein to zara na bhai

    tum jo nahin thin pas hamare

    dil bhar aaya gham ke mare

    meri 'simin' meri pyari

    tum ko mubarak eid tumhaari

    tum ne manai KHub ye eid

    hamein tumhaari hui na did

    hum to jab tum ko dekhenge

    eid usi din ki samjhenge

    Tagged Under :

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY