aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

shaer ka KHwab

Perwaiz Shaharyar

shaer ka KHwab

Perwaiz Shaharyar

MORE BYPerwaiz Shaharyar

    mere pote ne oxigen basta

    apnī piiTh par bāñdh kar

    ijāzat māñgī

    ḳhalā ke safar ke liye

    mere beTe ne jo raushnī ko gin

    rahā thā mez par

    apnī nigāhoñ ke do savāliya

    shānoñ ko

    uchhāl diyā merī taraf

    maiñ ne davā goliyoñ ke rakhte hue

    ek marīza ke nahīf haath meñ

    apnī jhurriyoñ ke bhañvar se

    pheñk dayā do nigāhoñ savāl

    pusht dīvār par

    jahāñ ek shā.erī tasvīr hai

    Tañgī huī

    vo mere baabā haiñ

    ki ḳhvāb duniyā basāne vaale

    shā.er ke

    ḳhvāboñ ye tīsrī ta.abīr thī

    ek pal ḳhāmushī rahī

    ek pal ke ba.ad

    hoñToñ ke chand phuul khile

    jabīñ par ik chāñd ugā aur

    phir ġhurūb ho gayā

    aur

    duur ḳhalāoñ meñ upar ko tairtī huī

    machine āvāz

    maddham hotī chalī ga.ī

    mere pote ne oxigen ka basta

    apni piTh par bandh kar

    ijazat mangi

    KHala ke safar ke liye

    mere beTe ne jo raushni ko gin

    raha tha mez par

    apni nigahon ke do sawaliya

    shanon ko

    uchhaal diya meri taraf

    main ne dawa ki goliyon ke rakhte hue

    ek mariza ke nahif hath mein

    apni jhurriyon ke bhanwar se

    phenk daya do nigahon ka sawal

    pusht ki diwar par

    jahan ek shaeri ki taswir hai

    Tangi hui

    wo mere baba hain

    ki KHwab ki duniya basane wale

    shaer ke

    KHwabon ki ye tisri tabir thi

    ek pal KHamushi rahi

    ek pal ke baad

    honTon ke chand phul khile

    jabin par ek chand uga aur

    phir ghurub ho gaya

    aur

    dur KHalaon mein upar ko tairti hui

    machine ki aawaz

    maddham hoti chali gai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now