shaeri pura mard aur puri aurat mangti hai

Hasan Abbas Raza

shaeri pura mard aur puri aurat mangti hai

Hasan Abbas Raza

MORE BYHasan Abbas Raza

    tum jo lafzoñ ke gorakh-dhande meñ uljhe

    be-ras shā.erī karte ho

    luġhat se lafz uThāte ho

    aur daa.eñ baa.eñ un ko chabā kar

    sher ugalte rahte

    tum ko kyā ma.alūm

    ki kyā hai ishq aur us haqīqat kyā hai

    pyaar hai kyā aur chāhat kyā hai

    tum ne kisī ke hijr meñ kab

    rāteñ kaaTī haiñ..?

    kab tum vasl ke nashshe se sarshār hue ho

    tum ko kyā ma.alūm

    ki hoñToñ ras kyā hotā hai

    kaise aañkh se girte aañsū motī ban jaate haiñ

    tum ko kyā ma.alūm ki kaise

    bāzuoñ meñ aa kar mahbūb pighal jaate haiñ

    tum ko kyā ma.alūm mohabbat kyā hotī hai

    tum ko kyā ma.alūm judā.ī shab kaise kaTtī hai

    aur din kitne vīrāñ hote haiñ

    tum ko kyā hai

    tum to apnī bīviyoñ se bhī

    Dare Dare

    sharminda sharminda ham-bistarī karte ho

    tum ko kyā ma.alūm hai

    shā.erī

    puurā mard aur puurī aurat māñgtī hai

    tum ne kisī hijḌe ke lab par

    sher phuul khile dekhā hai

    us ujḌī vīrāñ aañkh meñ

    nazm diip jale dekhā hai

    ye to ho saktā hai

    (aur akasr aisā hotā aayā hai)

    shā.er hijḌe ho jaate haiñ

    lekin koī hijḌā

    shā.er ho nahīñ saktā

    shā.erī puurā mard

    aur puurī aurat māñgtī hai

    tum jo lafzon ke gorakh-dhande mein uljhe

    be-ras shaeri karte ho

    lughat se lafz uThate ho

    aur daen baen un ko chaba kar

    sher ugalte rahte

    tum ko kya malum

    ki kya hai ishq aur us ki haqiqat kya hai

    pyar hai kya aur chahat kya hai

    tum ne kisi ke hijr mein kab

    raaten kaTi hain?

    kab tum wasl ke nashshe se sarshaar hue ho

    tum ko kya malum

    ki honTon ka ras kya hota hai

    kaise aankh se girte aansu moti ban jate hain

    tum ko kya malum ki kaise

    bazuon mein aa kar mahbub pighal jate hain

    tum ko kya malum mohabbat kya hoti hai

    tum ko kya malum judai ki shab kaise kaTti hai

    aur din kitne viran hote hain

    tum ko kya hai

    tum to apni biwiyon se bhi

    Dare Dare

    sharminda sharminda ham-bistari karte ho

    tum ko kya malum hai

    shaeri

    pura mard aur puri aurat mangti hai

    tum ne kisi hijDe ke lab par

    sher ka phul khile dekha hai

    us ki ujDi viran aankh mein

    nazm ka dip jale dekha hai

    ye to ho sakta hai

    (aur akasr aisa hota aaya hai)

    shaer hijDe ho jate hain

    lekin koi hijDa

    shaer ho nahin sakta

    shaeri pura mard

    aur puri aurat mangti hai

    Source:

    • Book : Taawaan (Pg. 182)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY