shair

tū faqat jism ke zaḳhmoñ pe taḌap jaatā hai

maiñ har ik qalb meñ sau zaḳhm-e-nihāñ paatā huuñ

tū faqat rang kā dīvāna hai bū kā shaidā

maiñ rag-e-gul meñ bhī bulbul kā lahū paatā huuñ

tū faqat dil kī taḌap rakhtā hai siine meñ nihāñ

maiñ taḌaptā bhī huuñ aur tujh ko bhī taḌpātā huuñ

tū faqat chaltā hai manzil tujhe mālūm nahīñ

maiñ tujhe rāh-e-amal baiTh ke dikhlātā huuñ

tujh ko insān kī bāteñ bhī samajhnā hai muhāl

maiñ har ik shai meñ takallum kī adā paatā huuñ

masjid-o-mimbar-o-mehrāb kā pāband hai tū

maiñ har ik zarre meñ tanvīr-e-ḳhudā paatā huuñ

tu faqat jism ke zaKHmon pe taDap jata hai

main har ek qalb mein sau zaKHm-e-nihan pata hun

tu faqat rang ka diwana hai bu ka shaida

main rag-e-gul mein bhi bulbul ka lahu pata hun

tu faqat dil ki taDap rakhta hai sine mein nihan

main taDapta bhi hun aur tujh ko bhi taDpata hun

tu faqat chalta hai manzil tujhe malum nahin

main tujhe rah-e-amal baiTh ke dikhlata hun

tujh ko insan ki baaten bhi samajhna hai muhaal

main har ek shai mein takallum ki ada pata hun

masjid-o-mimbar-o-mehrab ka paband hai tu

main har ek zarre mein tanwir-e-KHuda pata hun