shairi

koī ta.āruf huā nahīñ

nahīñ koī āshnā.ī bhī

hotī hai tabhī hairat shā.iroñ pe

tasavvurāt kī parchhā.iyoñ ko

ek vajūd de paate haiñ kaise

aur taḳhayyul ke parindoñ ko

kore saf.he par qaid kar paate haiñ kaise

vo harf jo sirf harf hī the

juḌ kar kis Dor se

pur-asar ash.ār ban ga.e

chand bikhre hue be-matlab lafz

simaT kar ik dā.ere meñ kaise

nazm-o-ġhazal ban ga.e

ye hunar gir har insān meñ hotā

zindagī kitnī ḳhush-gavār hotī hai

aur is jahāñ kī har shai

qābil-e-mohabbat hotī

magar shā.irī hai us fan kā naam

jise taqsīm karne meñ

dikhā.ī hai tañg-dilī ḳhudā ne bhī

koi taaruf hua nahin

nahin koi aashnai bhi

hoti hai tabhi hairat shairon pe

tasawwuraat ki parchhaiyon ko

ek wajud de pate hain kaise

aur taKHayyul ke parindon ko

kore safhe par qaid kar pate hain kaise

wo harf jo sirf harf hi the

juD kar kis Dor se

pur-asar ashaar ban gae

chand bikhre hue be-matlab lafz

simaT kar ek daere mein kaise

nazm-o-ghazal ban gae

ye hunar gir har insan mein hota

zindagi kitni KHush-gawar hoti hai

aur is jahan ki har shai

qabil-e-mohabbat hoti

magar shairi hai us fan ka nam

jise taqsim karne mein

dikhai hai tang-dili KHuda ne bhi