sham-e-ayaadat

Firaq Gorakhpuri

sham-e-ayaadat

Firaq Gorakhpuri

MORE BY Firaq Gorakhpuri

    INTERESTING FACT

    (august 1943) civil hospital allahabad men bistar-e-alaalat se

    ye kaun muskurāhaToñ kārvāñ liye hue

    shabāb-e-sher-o-rañg-o-nūr dhuāñ liye hue

    dhuāñ ki barq-e-husn mahaktā sho.ala hai koī

    chaTīlī zindagī shādmāniyāñ liye hue

    laboñ se pañkhuḌī gulāb hayāt māñge hai

    kañval aañkh sau nigāh-e-mehrbāñ liye hue

    qadam qadam pe de uThī hai lau zamīn-e-rah-guzar

    adā adā meñ be-shumār bijliyāñ liye hue

    nikalte baiThte dinoñ āhaTeñ nigāh meñ

    rasīle hoñT fasl-e-gul dāstāñ liye hue

    ḳhutūt-e-ruḳh meñ jalva-gar vafā ke naqsh sar-ba-sar

    dil-e-ġhanī meñ kul hisāb-e-dostāñ liye hue

    vo muskurātī āñkheñ jin meñ raqs kartī hai bahār

    shafaq gul bijliyoñ shoḳhiyāñ liye hue

    adā-e-husn barq-pāsh shola-zan nazāra-soz

    fazā-e-husn uudī uudī bijliyāñ liye hue

    jagāne vaale naġhma-e-sahar laboñ pe maujzan

    nigāheñ niiñd laane vaalī loriyāñ liye hue

    vo nargis-e-siyāh-e-nīm-bāz, mai-kada-ba-dosh

    hazār mast rātoñ javāniyāñ liye hue

    taġhāful-o-ḳhumār aur be-ḳhudī oT meñ

    nigāheñ ik jahāñ hoshiyāriyāñ liye hue

    harī-bharī ragoñ meñ vo chahaktā boltā lahū

    vo sochtā huā badan ḳhud ik jahāñ liye hue

    za-farq tā-qadam tamām chehra jism-e-nāznīñ

    latīf jagmagāhaToñ kārvāñ liye hue

    tabassumash takallume takallumash tarannume

    nafas nafas meñ thartharātā sāz-e-jāñ liye hue

    jabīn-e-nūr jis pe paḌ rahī hai narm chhūT

    ḳhud apnī jagmagāhToñ kahkashāñ liye hue

    ''sitāra-bār o mah-chakāñ o ḳhūr-fishāñ'' jamāl-e-yār

    jahān-e-nūr kārvāñ-ba-kārvāñ liye hue

    vo zulf-e-ḳham-ba-ḳham shamīm-e-mast se dhuāñ dhuāñ

    vo ruḳh chaman chaman bahār-e-jāvedāñ liye hue

    ba-mastī-e-jamāl-e-kā.enāt, ḳhvāb-e-kā.enāt

    ba-gardish-e-nigāh daur-e-āsmāñ liye hue

    ye kaun aa gayā mire qarīb uzv uzv meñ

    javāniyāñ, javāniyoñ āñdhiyāñ liye hue

    ye kaun aañkh paḌ rahī hai mujh par itne pyaar se

    vo bhūlī vo yaad kahāniyāñ liye hue

    ye kis mahkī mahkī sāñseñ taaza kar ga.iiñ dimāġh

    shaboñ ke raaz nūr-e-mah narmiyāñ liye hue

    ye kin nigāhoñ ne mire gale meñ bāheñ Daal diiñ

    jahān bhar ke dukh se dard se amaañ liye hue

    nigāh-e-yār de ga.ī mujhe sukūn-e-be-karāñ

    vo be-kahī vafāoñ gavāhiyāñ liye hue

    mujhe jagā rahā hai maut ġhunūdgī se kaun

    nigāhoñ meñ suhāg-rāt samāñ liye hue

    mirī fasurda aur bujhī huī jabīñ ko chhū liyā

    ye kis nigāh kiran ne sāz-e-jāñ liye hue

    sute se chehre par hayāt rasmasātī muskurātī

    na jaane kab ke āñsuoñ dāstāñ liye hue

    tabassum-e-sahar hai aspatāl udaas shaam

    ye kaun aa gayā nashāt-e-be-karāñ liye hue

    tire na aane tak agarche mehrbāñ thā ik jahāñ

    maiñ ro ke rah gayā huuñ sau ġham-e-nihāñ liye hue

    zamīn muskurā uThī ye shaam jagmagā uThī

    bahār lahlhā uThī shamīm-e-jāñ liye hue

    fazā-e-aspatāl hai ki rañg-o-bū karvaTeñ

    tire jamāl-e-lāla-gūñ dāstāñ liye hue

    'firāq' aaj pichhlī raat kyuuñ na mar rahūñ ki ab

    hayāt aisī shāmeñ hogī phir kahāñ liye hue

    (2)

    magar nahīñ kuchh aur maslahat thī us ke aane meñ

    jamāl-o-dīd-e-yār the nayā jahāñ liye hue

    isī na.e jahāñ meñ aadmī baneñge aadmī

    jabīñ pe shāhkār-e-dahr nishāñ liye hue

    isī na.e jahāñ meñ aadmī baneñge devtā

    tahāratoñ farq-e-pāk par nishāñ liye hue

    ḳhudā.ī aadmī hogī is na.e jahān par

    sitāroñ ke haiñ dil ye pesh-goīyañ liye hue

    sulagte dil sharar-fishāñ o sho.ala-bār barq-pāsh

    guzarte din hayāt-e-nau surḳhiyāñ liye hue

    tamām qaul aur qasam nigāh-e-nāz-e-yār thī

    tulū-e-zindagī-e-nau dāstāñ liye hue

    nayā janam huā mirā ki zindagī na.ī milī

    jiyūñgā shām-e-dīd nishāniyāñ liye hue

    na dekhā aañkh uThā ke ahd-e-nau ke parda-dāroñ ne

    guzar gayā zamāna yād-e-raftagāñ liye hue

    ham inqilābiyoñ ne ye jahāñ bachā liyā magar

    abhī hai ik jahāñ vo bad-gumāniyāñ liye hue

    (3)

    na.e zamāne meñ agar udaas ḳhud ko pā.ūñgā

    ye shaam yaad kar ke apne ġham ko bhuul jā.ūñgā

    ayādat-e-habīb se vo aaj zindagī milī

    ḳhushī bhī chauñk chauk uThī ġham aañkh khul ga.ī

    agarche doctor ne mujh ko maut se bachā liyā

    par is ke ba.ad us nigāh ne mujhe jilā liyā

    nigāh-e-yār tujh se apnī manzileñ maiñ pā.ūñgā

    tujhe jo bhuul jā.ūñgā to raah bhuul jā.ūñgā

    (4)

    qarīb-tar maiñ ho chalā huuñ dukh kā.enāt se

    maiñ ajnabī nahīñ rahā hayāt se mamāt se

    vo dukh sahe ki mujh pe khul gayā hai dard-e-kā.enāt

    hai apne āñsuoñ se mujh pe ā.īna ġham-e-hayāt

    ye be-qusūr jān-dār dard jhelte hue

    ye ḳhāk-o-ḳhūñ ke putle apnī jaañ pe khelte hue

    vo ziist karāh jis se be-qarār hai fazā

    vo zindagī aah jis se kaañp uThtī hai fazā

    kafan hai āñsuoñ dukh maarī kā.enāt par

    hayāt kyā inheñ haqīqatoñ se honā be-ḳhabar

    jo aañkh jāgtī rahī hai aadmī maut par

    vo abr-e-rañg-rañg ko bhī dekhtī hai sāda-tar

    sikhā gayā dukh mirā purānī piir jānñā

    nigāh-e-yār thī jahāñ bhī aaj merī rahnumā

    yahī nahīñ ki mujh ko aaj zindagī na.ī milī

    haqīqat-e-hayāt mujh pe sau tarah se khul ga.ī

    gavāh hai ye shaam aur nigāh-e-yār hai gavāh

    ḳhayāl-e-maut ko maiñ apne dil meñ ab na dūñgā raah

    jiyūñgā haañ jiyūñgā ai nigāh-e-āshnā-e-yār

    sadā suhāg zindagī hai aur jahāñ sadā-bahār

    (5)

    abhī to kitne nā-shunīda naġhma-e-hayāt haiñ

    abhī nihāñ diloñ se kitne rāz-e-kā.enāt haiñ

    abhī to zindagī ke nā-chashīda ras haiñ saikḌoñ

    abhī to haath meñ ham ahl-e-ġham ke jas haiñ saikḌoñ

    abhī vo le rahī haiñ merī shā.erī meñ karvaTeñ

    abhī chamakne vaalī hai chhupī huī haqīqateñ

    abhī to bahr-o-bar pe so rahī haiñ merī vo sadā.eñ

    sameT luuñ unheñ to phir vo kā.enāt ko jagā.eñ

    abhī to ruuh ban ke zarre zarre meñ samā.ūñgā

    abhī to sub.h ban ke maiñ ufuq pe thartharā.ūñgā

    abhī to merī shā.erī haqīqateñ lūTā.egī

    abhī mirī sadā-e-dard ik jahāñ pe chhā.egī

    abhī to aadmī asīr-e-dām hai ġhulām hai

    abhī to zindagī sad-inqalāb payām hai

    abhī tamām zaḳhm o daaġh hai tamaddun-e-jahāñ

    abhī ruḳh-e-bashar pe haiñ bahmiyat jhā.iyāñ

    abhī mashiyyatoñ pe fat.h nahīñ sakā bashar

    abhī muqaddaroñ ko bas meñ nahīñ sakā bashar

    abhī to is dukhī jahāñ meñ maut daur hai

    abhī to jis ko zindagī kaheñ vo chiiz aur hai

    abhī to ḳhuun thoktī hai zindagī bahār meñ

    abhī to rone sadā hai naġhma-e-sitār meñ

    abhī to uḌtī haiñ ruḳh-e-bahār par havā.iyāñ

    abhī to dīdanī haiñ har chaman be-fazā.iyāñ

    abhī fazā-e-dahr legī karvaToñ pe karvaTeñ

    abhī to sotī haiñ havāoñ vo sansanāhaTeñ

    ki jis ko sunte hukūmatoñ ke rañg-e-ruḳh uḌeñ

    chapeTeñ jin sarkashoñ gardaneñ maroḌ deñ

    abhī to sīna-e-bashar meñ sote haiñ vo zalzale

    ki jin ke jāgte maut bhī dil dahal uThe

    abhī to batn-e-ġhaib meñ hai is savāl javāb

    ḳhudā-e-ḳhair-o-shar bhī nahīñ sakā thā jis taab

    abhī to god meñ haiñ devtāoñ vo māh-o-sāl

    jo deñge baḌh ke barq-e-tūr se hayāt ko jalāl

    abhī rag-e-jahāñ meñ zindagī machalne vaalī hai

    abhī hayāt na.ī sharāb Dhalne vaalī hai

    abhī chhurī sitam Duub kar uchhalne vaalī hai

    abhī to hasrat ik jahān nikalne vaalī hai

    abhī ghan-garaj sunā.ī degī inqalāb

    abhī to gosh-bar-sadā hai bazm āftāb

    abhī to pūñjī-vād ko jahān se miTānā hai

    abhī to sāmrājoñ ko sazā-e-maut paanā hai

    abhī to daañt pīstī hai maut shahryāroñ

    abhī to ḳhuuñ utar rahā hai ā.ankhoñ meñ sitāroñ

    abhī to ishtirākiyat ke jhanDe gaḌne vaale haiñ

    abhī to jaḌ se kisht-o-ḳhūñ ke nazm ukhaḌne vaale haiñ

    abhī kisān-o-kāmgār raaj hone vaalā hai

    abhī bahut jahāñ meñ kām-kāj hone vaalā hai

    magar abhī to zindagī musībatoñ naam hai

    abhī to niiñd maut mire liye harām hai

    ye sab payām ik nigāh meñ vo aañkh de ga.ī

    ba-yak-nazar kahāñ kahāñ mujhe vo aañkh le ga.ī

    ye kaun muskurahaTon ka karwan liye hue

    shabab-e-sher-o-rang-o-nur ka dhuan liye hue

    dhuan ki barq-e-husn ka mahakta shoala hai koi

    chaTili zindagi ki shadmaniyan liye hue

    labon se pankhuDi gulab ki hayat mange hai

    kanwal si aankh sau nigah-e-mehrban liye hue

    qadam qadam pe de uThi hai lau zamin-e-rah-guzar

    ada ada mein be-shumar bijliyan liye hue

    nikalte baiThte dinon ki aahaTen nigah mein

    rasile honT fasl-e-gul ki dastan liye hue

    KHutut-e-ruKH mein jalwa-gar wafa ke naqsh sar-ba-sar

    dil-e-ghani mein kul hisab-e-dostan liye hue

    wo muskuraati aankhen jin mein raqs karti hai bahaar

    shafaq ki gul ki bijliyon ki shoKHiyan liye hue

    ada-e-husn barq-pash shola-zan nazara-soz

    faza-e-husn udi udi bijliyan liye hue

    jagane wale naghma-e-sahar labon pe maujzan

    nigahen nind lane wali loriyan liye hue

    wo nargis-e-siyah-e-nim-baz, mai-kada-ba-dosh

    hazar mast raaton ki jawaniyan liye hue

    taghaful-o-KHumar aur be-KHudi ki oT mein

    nigahen ek jahan ki hoshiyariyan liye hue

    hari-bhari ragon mein wo chahakta bolta lahu

    wo sochta hua badan KHud ek jahan liye hue

    za-farq ta-qadam tamam chehra jism-e-naznin

    latif jagmagahaTon ka karwan liye hue

    tabassumash takallume takallumash tarannume

    nafas nafas mein thartharaata saz-e-jaan liye hue

    jabin-e-nur jis pe paD rahi hai narm chhuT si

    KHud apni jagmagahTon ki kahkashan liye hue

    sitara-bar o mah-chakan o KHur-fishan jamal-e-yar

    jahan-e-nur karwan-ba-karwan liye hue

    wo zulf-e-KHam-ba-KHam shamim-e-mast se dhuan dhuan

    wo ruKH chaman chaman bahaar-e-jawedan liye hue

    ba-masti-e-jamal-e-kaenat, KHwab-e-kaenat

    ba-gardish-e-nigah daur-e-asman liye hue

    ye kaun aa gaya mere qarib uzw uzw mein

    jawaniyan, jawaniyon ki aandhiyan liye hue

    ye kaun aankh paD rahi hai mujh par itne pyar se

    wo bhuli si wo yaad si kahaniyan liye hue

    ye kis ki mahki mahki sansen taza kar gain dimagh

    shabon ke raaz nur-e-mah ki narmiyan liye hue

    ye kin nigahon ne mere gale mein bahen Dal din

    jahan bhar ke dukh se dard se aman liye hue

    nigah-e-yar de gai mujhe sukun-e-be-karan

    wo be-kahi wafaon ki gawahiyan liye hue

    mujhe jaga raha hai maut ki ghunudgi se kaun

    nigahon mein suhag-raat ka saman liye hue

    meri fasurda aur bujhi hui jabin ko chhu liya

    ye kis nigah ki kiran ne saz-e-jaan liye hue

    sute se chehre par hayat rasmasati muskuraati

    na jaane kab ke aansuon ki dastan liye hue

    tabassum-e-sahar hai aspatal ki udas sham

    ye kaun aa gaya nashat-e-be-karan liye hue

    tere na aane tak agarche mehrban tha ek jahan

    main ro ke rah gaya hun sau gham-e-nihan liye hue

    zamin muskura uThi ye sham jagmaga uThi

    bahaar lahlha uThi shamim-e-jaan liye hue

    faza-e-aspatal hai ki rang-o-bu ki karwaTen

    tere jamal-e-lala-gun ki dastan liye hue

    'firaq' aaj pichhli raat kyun na mar rahun ki ab

    hayat aisi shamen hogi phir kahan liye hue

    (2)

    magar nahin kuchh aur maslahat thi us ke aane mein

    jamal-o-did-e-yar the naya jahan liye hue

    isi nae jahan mein aadmi banenge aadmi

    jabin pe shahkar-e-dahr ka nishan liye hue

    isi nae jahan mein aadmi banenge dewta

    tahaaraton ka farq-e-pak par nishan liye hue

    KHudai aadmi ki hogi is nae jahan par

    sitaron ke hain dil ye pesh-goiyan liye hue

    sulagte dil sharar-fishan o shoala-bar barq-pash

    guzarte din hayat-e-nau ki surKHiyan liye hue

    tamam qaul aur qasam nigah-e-naz-e-yar thi

    tulu-e-zindagi-e-nau ki dastan liye hue

    naya janam hua mera ki zindagi nai mili

    jiyunga sham-e-did ki nishaniyan liye hue

    na dekha aankh uTha ke ahd-e-nau ke parda-daron ne

    guzar gaya zamana yaad-e-raftagan liye hue

    hum inqilabiyon ne ye jahan bacha liya magar

    abhi hai ek jahan wo bad-gumaniyan liye hue

    (3)

    nae zamane mein agar udas KHud ko paunga

    ye sham yaad kar ke apne gham ko bhul jaunga

    ayaadat-e-habib se wo aaj zindagi mili

    KHushi bhi chaunk chauk uThi gham ki aankh khul gai

    agarche doctor ne mujh ko maut se bacha liya

    par is ke baad us nigah ne mujhe jila liya

    nigah-e-yar tujh se apni manzilen main paunga

    tujhe jo bhul jaunga to rah bhul jaunga

    (4)

    qarib-tar main ho chala hun dukh ki kaenat se

    main ajnabi nahin raha hayat se mamat se

    wo dukh sahe ki mujh pe khul gaya hai dard-e-kaenat

    hai apne aansuon se mujh pe aaina gham-e-hayat

    ye be-qusur jaan-dar dard jhelte hue

    ye KHak-o-KHun ke putle apni jaan pe khelte hue

    wo zist ki karah jis se be-qarar hai faza

    wo zindagi ki aah jis se kanp uThti hai faza

    kafan hai aansuon ka dukh ki mari kaenat par

    hayat kya inhen haqiqaton se hona be-KHabar

    jo aankh jagti rahi hai aadmi ki maut par

    wo abr-e-rang-rang ko bhi dekhti hai sada-tar

    sikha gaya dukh mera purani pir jaanna

    nigah-e-yar thi jahan bhi aaj meri rahnuma

    yahi nahin ki mujh ko aaj zindagi nai mili

    haqiqat-e-hayat mujh pe sau tarah se khul gai

    gawah hai ye sham aur nigah-e-yar hai gawah

    KHayal-e-maut ko main apne dil mein ab na dunga rah

    jiyunga han jiyunga ai nigah-e-ashna-e-yar

    sada suhag zindagi hai aur jahan sada-bahaar

    (5)

    abhi to kitne na-shunida naghma-e-hayat hain

    abhi nihan dilon se kitne raaz-e-kaenat hain

    abhi to zindagi ke na-chashida ras hain saikDon

    abhi to hath mein hum ahl-e-gham ke jas hain saikDon

    abhi wo le rahi hain meri shaeri mein karwaTen

    abhi chamakne wali hai chhupi hui haqiqaten

    abhi to bahr-o-bar pe so rahi hain meri wo sadaen

    sameT lun unhen to phir wo kaenat ko jagaen

    abhi to ruh ban ke zarre zarre mein samaunga

    abhi to subh ban ke main ufuq pe thartharaunga

    abhi to meri shaeri haqiqaten luTaegi

    abhi meri sada-e-dard ek jahan pe chhaegi

    abhi to aadmi asir-e-dam hai ghulam hai

    abhi to zindagi sad-inqalab ka payam hai

    abhi tamam zaKHm o dagh hai tamaddun-e-jahan

    abhi ruKH-e-bashar pe hain bahmiyat ki jhaiyan

    abhi mashiyyaton pe fath pa nahin saka bashar

    abhi muqaddaron ko bas mein la nahin saka bashar

    abhi to is dukhi jahan mein maut hi ka daur hai

    abhi to jis ko zindagi kahen wo chiz aur hai

    abhi to KHun thokti hai zindagi bahaar mein

    abhi to rone ki sada hai naghma-e-sitar mein

    abhi to uDti hain ruKH-e-bahaar par hawaiyan

    abhi to didani hain har chaman ki be-fazaiyan

    abhi faza-e-dahr legi karwaTon pe karwaTen

    abhi to soti hain hawaon ki wo sansanahaTen

    ki jis ko sunte hi hukumaton ke rang-e-ruKH uDen

    chapeTen jin ki sarkashon ki gardanen maroD den

    abhi to sina-e-bashar mein sote hain wo zalzale

    ki jin ke jagte hi maut ka bhi dil dahal uThe

    abhi to batn-e-ghaib mein hai is sawal ka jawab

    KHuda-e-KHair-o-shar bhi la nahin saka tha jis ki tab

    abhi to god mein hain dewtaon ki wo mah-o-sal

    jo denge baDh ke barq-e-tur se hayat ko jalal

    abhi rag-e-jahan mein zindagi machalne wali hai

    abhi hayat ki nai sharab Dhalne wali hai

    abhi chhuri sitam ki Dub kar uchhalne wali hai

    abhi to hasrat ek jahan ki nikalne wali hai

    abhi ghan-garaj sunai degi inqalab ki

    abhi to gosh-bar-sada hai bazm aaftab ki

    abhi to punji-wad ko jahan se miTana hai

    abhi to samrajon ko saza-e-maut pana hai

    abhi to dant pisti hai maut shahryaron ki

    abhi to KHun utar raha hai aaankhon mein sitaron ki

    abhi to ishtirakiyat ke jhanDe gaDne wale hain

    abhi to jaD se kisht-o-KHun ke nazm ukhaDne wale hain

    abhi kisan-o-kaamgar raj hone wala hai

    abhi bahut jahan mein kaam-kaj hone wala hai

    magar abhi to zindagi musibaton ka nam hai

    abhi to nind maut ki mere liye haram hai

    ye sab payam ek nigah mein wo aankh de gai

    ba-yak-nazar kahan kahan mujhe wo aankh le gai

    Source:

    • Book: Gul-e-Naghma (Pg. 237)
    • Author: Firaq Gorakhpuri
    • Publication: Kitabi Duniya, Delhi-6 (2006)
    • Edition: 2006
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites