sham ka aKHbar

denā bhaa.ī haañ mujhe bhī shaam kā aḳhbār ek

phir kisī ThanDe lahū ne garm kī hogī ḳhabar

kaun se beTe hue haiñ stikato kī nazr

aaj kī shah-surḳhiyoñ meñ ḳhūn-e-nāhaq phir milā

taaza taaza zard kāġhaz par gul-e-ahmad khilā

kis galī mātam bichhā hai

kyā saroñ kā hai shumār

aaTh column kī ḳhabar ke vāste haiñ sirf chār?

ḳhaak meñ luthḌī huī sūrat hai ye kis phuul kī

kahte haiñ dīvār-o-dar building hai ye schōl kī

aaj to tasvīr bhī dhundlā ga.ī maqtūl kī

nā-munāsib hai reporting

be-tukī manzar-kashī

kyuuñ nahīñ rakh paate haiñ parche kā ye me.aar ek

ban ga.ī hai ab sahāfat jaise kārobār ek

denā bhaa.ī phir bhī mujh ko shaam kā aḳhbār ek

dena bhai han mujhe bhi sham ka aKHbar ek

phir kisi ThanDe lahu ne garm ki hogi KHabar

kaun se beTe hue hain stikato ki nazr

aaj ki shah-surKHiyon mein KHun-e-nahaq phir mila

taza taza zard kaghaz par gul-e-ahmad khila

kis gali matam bichha hai

kya saron ka hai shumar

aaTh column ki KHabar ke waste hain sirf chaar?

KHak mein luthDi hui surat hai ye kis phul ki

kahte hain diwar-o-dar building hai ye school ki

aaj to taswir bhi dhundla gai maqtul ki

na-munasib hai reporting

be-tuki manzar-kashi

kyun nahin rakh pate hain parche ka ye mear ek

ban gai hai ab sahafat jaise karobar ek

dena bhai phir bhi mujh ko sham ka aKHbar ek