aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

shayad

Balraj Komal

shayad

Balraj Komal

MORE BYBalraj Komal

    kuchh log

    jo mere dil ko achchhe lagte the

    umroñ ke rele meñ aa.e

    aur bhī chuke

    kuchh dhandoñ meñ masrūf hue

    kuchh chuhā-dauḌ meñ jiite ga.e

    kuchh haar ga.e

    kuchh qatl hue

    kuchh baḌhtī bhiiḌ meñ

    apne-āp se duur hue

    kuchh TuuT ga.e kuchh Duub ga.e

    mujh par ye ḳhauf ab chhāyā hai

    maiñ kis se milne jā.ūñgā

    maiñ kis ko paas bulā.ūñgā

    āñdhī hai, garm havā hai, aag barastī hai

    kuchh der huī

    ik sūrat, shabnam sūrat

    is taptī raah se guzrī thī

    do bachche peḌ ke pattoñ meñ chhup kar baiThe the

    hañste shor machāte the

    ik dost purānā

    barsoñ ba.ad milā mujh ko

    us jalte din

    sub.h kuchh aisī raushan thī

    jab bād-e-sabā vārafta-rau

    ḳhushbuoñ, naġhmoñ, nannhī-munnī bātoñ

    andāz liye āñgan meñ chalī

    maiñ zinda huuñ

    ye soch ke ḳhush ho jaatā huuñ

    vo thoḌī der to mere paas se guzrī thī

    vo mere dil meñ utrī thī

    is be-mahram se mausam meñ

    shāyad vo kal bhī aa.egī

    shāyad vo kal bhī merī raah se guzregī

    kuchh log

    jo mere dil ko achchhe lagte the

    umron ke rele mein aae

    aur ja bhi chuke

    kuchh dhandon mein masruf hue

    kuchh chuha-dauD mein jite gae

    kuchh haar gae

    kuchh qatl hue

    kuchh baDhti bhiD mein

    apne-ap se dur hue

    kuchh TuT gae kuchh Dub gae

    mujh par ye KHauf ab chhaya hai

    main kis se milne jaunga

    main kis ko pas bulaunga

    aandhi hai, garm hawa hai, aag barasti hai

    kuchh der hui

    ek surat, shabnam si surat

    is tapti rah se guzri thi

    do bachche peD ke patton mein chhup kar baiThe the

    hanste shor machate the

    ek dost purana

    barson baad mila mujh ko

    us jalte din ki

    subh kuchh aisi raushan thi

    jab baad-e-saba warafta-rau

    KHushbuon, naghmon, nannhi-munni baaton ka

    andaz liye aangan mein chali

    main zinda hun

    ye soch ke KHush ho jata hun

    wo thoDi der to mere pas se guzri thi

    wo mere dil mein utri thi

    is be-mahram se mausam mein

    shayad wo kal bhi aaegi

    shayad wo kal bhi meri rah se guzregi

    RECITATIONS

    Nomaan Shauque

    Nomaan Shauque,

    Nomaan Shauque

    shayad Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now