shayad

Jaun Eliya

shayad

Jaun Eliya

MORE BYJaun Eliya

    maiñ shāyad tum ko yaksar bhūlne vaalā huuñ

    shāyad jān-e-jāñ shāyad

    ki ab tum mujh ko pahle se ziyāda yaad aatī ho

    hai dil ġhamgīñ bahut ġhamgīñ

    ki ab tum yaad dildārāna aatī ho

    shamīm-e-dūr-māñda ho

    bahut ranjīda ho mujh se

    magar phir bhī

    mashām-e-jāñ meñ mere āshtī-mandāna aatī ho

    judā.ī meñ balā iltifāt-e-mehramāna hai

    qayāmat ḳhabar-gīrī hai

    behad nāz-bardārī aalam hai

    tumhāre rañg mujh meñ aur gahre hote jaate haiñ

    maiñ Dartā huuñ

    mire ehsās ke is ḳhvāb anjām kyā hogā

    ye mere andarūn-e-zāt ke tārāj-gar

    jazboñ ke bairī vaqt sāzish na ho koī

    tumhāre is tarah har lamha yaad aane se

    dil sahmā huā hai

    to phir tum kam yaad aao

    matā-e-dil matā-e-jāñ to phir tum kam yaad aao

    bahut kuchh bah gayā hai sail-e-māh-o-sāl meñ ab tak

    sabhī kuchh to na bah jaa.e

    ki mere paas rah bhī kyā gayā hai

    kuchh to rah jaa.e

    main shayad tum ko yaksar bhulne wala hun

    shayad jaan-e-jaan shayad

    ki ab tum mujh ko pahle se ziyaada yaad aati ho

    hai dil ghamgin bahut ghamgin

    ki ab tum yaad dildarana aati ho

    shamim-e-dur-manda ho

    bahut ranjida ho mujh se

    magar phir bhi

    masham-e-jaan mein mere aashti-mandana aati ho

    judai mein bala ka iltifat-e-mehramana hai

    qayamat ki KHabar-giri hai

    behad naz-bardari ka aalam hai

    tumhaare rang mujh mein aur gahre hote jate hain

    main Darta hun

    mere ehsas ke is KHwab ka anjam kya hoga

    ye mere andarun-e-zat ke taraj-gar

    jazbon ke bairi waqt ki sazish na ho koi

    tumhaare is tarah har lamha yaad aane se

    dil sahma hua sa hai

    to phir tum kam hi yaad aao

    mata-e-dil mata-e-jaan to phir tum kam hi yaad aao

    bahut kuchh bah gaya hai sail-e-mah-o-sal mein ab tak

    sabhi kuchh to na bah jae

    ki mere pas rah bhi kya gaya hai

    kuchh to rah jae

    RECITATIONS

    Nomaan Shauque

    Nomaan Shauque

    Nomaan Shauque

    shayad Nomaan Shauque

    Tagged Under :

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY