shab-baraat

Nazeer Akbarabadi

shab-baraat

Nazeer Akbarabadi

MORE BYNazeer Akbarabadi

    kyūñkar kare na apnī numūdārī shab-barāt

    chilpak chapātī halve se hai bhārī shab-barāt

    zindoñ hai zabāñ mazedārī shab-barāt

    murdoñ ruuh hai madad-gārī shab-barāt

    lagtī hai sab ke dil ko ġharaz pyārī shab-barāt

    shakkar jin ke halva huā vo to puure haiñ

    guḌ huā hai jin ke vo un se adhūre haiñ

    shakkar na guḌ jin ke vo parkaT lañDūre haiñ

    auroñ ke mīThe halve chapātī ko ghūre haiñ

    un na ādhī-pāo na kuchh saarī shab-barāt

    duniyā daulatoñ meñ jo zardār haiñ baḌe

    qandoñ ke halve roġhnī nāneñ liye khaḌe

    pahuñchā.e ḳhvān phirte haiñ naukar ka.ī paḌe

    zinde bhī raah takte haiñ murde bhī haiñ khaḌe

    in ḳhūbiyoñ ko rakhtī hai tayyārī shab-barāt

    Thiliyāñ chapātī halve to sab meñ chaal hai

    adnā ġharīb ke ta.iiñ ye bhī muhāl hai

    kaale se guḌ lipTī kaḌhī misāl hai

    paanī se hāñDī gehūñ roTī bhī laal hai

    kartī hai aisī dukhiyā pansārī shab-barāt

    aur muflisoñ hai ye tamannā fātiha

    dariyā pe ke dete haiñ baabā fātiha

    bhatiyārī ke tanūr pa naanā fātiha

    halvā.ī dukān pe daadā fātiha

    yaañ tak to un pe laatī hai nā-chārī shab-barāt

    vāris haiñ jin ke jiite vo murde bhī aan kar

    halve chapātī ḳhuub chakhte haiñ peT-bhar

    jin koī nahīñ hai vo phirte haiñ dar-ba-dar

    auroñ ke lagte phirte haiñ konoñ se ghar-ba-ghar

    un hai khārī nuun se bhī khārī shab-barāt

    mullā jo dene fātiha ghar ghar meñ jaate haiñ

    halva kahīñ kahīñ vo chapātī uḌāte haiñ

    muflis koī bulāve to muñh ko chhupāte haiñ

    shakkar halva sunte bas dauḌe jaate haiñ

    kahte hue ye dil meñ ahā-hā shab-barāt

    chhoḌe hai laTTū toñbaḌī har-dam banā ke jo

    hākim pyāda kahtā hai yuuñ us se talḳh ho

    kapḌe badan bachā ke jo chāho so chhoḌ do

    chhappar jalāo.ge to dilāvegī sub.h ko

    tum se chabūtare meñ gunahgārī shab-barāt

    phirte haiñ ishq-bāz jo laḌke ghaat meñ

    To.Tā le ke dete haiñ laḌke ke haath meñ

    mahtābī aa ke chhoḌeñ haiñ laḌke jo raat meñ

    kyā zarkiyāñ chhoḌe haiñ hañs hañs ke baat meñ

    kartī hai kaam un ke bhī yuuñ jaarī shab-barāt

    jo ranDī-bāz haiñ vo bahut dil meñ shaad ho

    kyā kyā anaar chhoḌe haiñ bishnī ho rū-ba-rū

    ai tum apnī kulhiyā hameñ chhoḌne ko do

    aur chāho tum hamārā ye hat-phūl chhoḌ lo

    ho jaa.e jis ke chhuTte phulvārī shab-barāt

    aur jo bahār-e-husn ke haiñ pāk-bāz yaar

    gul-kārī chhoḌe haiñ jahāñ mahbūb gul-ezār

    kahte haiñ un ko dekh ke āñkhoñ meñ kar ke pyaar

    kyā chāhiye miyāñ tumheñ hat-phūl aur anaar

    tum par to aap hotī hai ab vaarī shab-barāt

    ghanchakkar apne dam meñ kahīñ charḳh khāte haiñ

    ToñTe havā.ī siiñk kahīñ qahqahate haiñ

    zīñpaT-zapaT paTāḳhe kahīñ ġhul machāte haiñ

    laḌkoñ ke bāñdh ġhol kahīñ laḌne jaate haiñ

    kartī hai phir to aisī dhūñvādhārī shab-barāt

    aa kar kisī ke sar pe chhachhūñdar lagī kaḌī

    uupar se aur havā.ī aa kar paḌī chhaḌī

    ho ga.ī gale haar paTāḳhe har laḌī

    paañv se lipTī shor machā kar qalam tuḌī

    kartī hai phir to aisī sitamgārī shab-barāt

    chehra kisī jal gayā āñkheñ jhulas ga.iiñ

    chhā.ī kisī jal ga.iiñ bāheñ jhulas ga.iiñ

    Tāñgeñ bachīñ kisī to rāneñ jhulas ga.iiñ

    moñchheñ kisī phuk ga.iiñ palkeñ jhulas ga.iiñ

    rakhe kisī dāḌhī pe chiñgārī shab-barāt

    koī dostoñ ko dil meñ samajhtā hai apne ġhair

    koī dushmanoñ se dil nikāle hai apnā bair

    kahtā hai vaañ 'nazīr' bhī ātish dekh sair

    yārab to sab kījiyo barsā-baras ḳhair

    be-tarah kar rahī hai numūdārī shab-barāt

    kyunkar kare na apni numudari shab-baraat

    chilpak chapati halwe se hai bhaari shab-baraat

    zindon ki hai zaban ki mazedari shab-baraat

    murdon ki ruh ki hai madad-gari shab-baraat

    lagti hai sab ke dil ko gharaz pyari shab-baraat

    shakkar ka jin ke halwa hua wo to pure hain

    guD ka hua hai jin ke wo un se adhure hain

    shakkar na guD ka jin ke wo parkaT lanDure hain

    auron ke miThe halwe chapati ko ghure hain

    un ki na aadhi-pao na kuchh sari shab-baraat

    duniya ki daulaton mein jo zardar hain baDe

    qandon ke halwe roghni nanen liye khaDe

    pahunchae KHwan phirte hain naukar kai paDe

    zinde bhi rah takte hain murde bhi hain khaDe

    in KHubiyon ko rakhti hai tayyari shab-baraat

    Thiliyan chapati halwe ki to sab mein chaal hai

    adna gharib ke tain ye bhi muhaal hai

    kale se guD ki lipTi kaDhi ki misal hai

    pani se hanDi gehun ki roTi bhi lal hai

    karti hai aisi dukhiya pansari shab-baraat

    aur muflison ki hai ye tamanna ki fatiha

    dariya pe ja ke dete hain baba ki fatiha

    bhatiyari ke tanur pa nana ki fatiha

    halwai ki dukan pe dada ki fatiha

    yan tak to un pe lati hai na-chaari shab-baraat

    waris hain jin ke jite wo murde bhi aan kar

    halwe chapati KHub hi chakhte hain peT-bhar

    jin ka koi nahin hai wo phirte hain dar-ba-dar

    auron ke lagte phirte hain konon se ghar-ba-ghar

    un ki hai khaari nun se bhi khaari shab-baraat

    mulla jo dene fatiha ghar ghar mein jate hain

    halwa kahin kahin wo chapati uDate hain

    muflis koi bulawe to munh ko chhupate hain

    shakkar ka halwa sunte hi bas dauDe jate hain

    kahte hue ye dil mein aha-ha ri shab-baraat

    chhoDe hai laTTu tonbaDi har-dam bana ke jo

    hakim ka pyaada kahta hai yun us se talKH ho

    kapDe badan bacha ke jo chaho so chhoD do

    chhappar jalaoge to dilawegi subh ko

    tum se chabutare mein gunahgari shab-baraat

    phirte hain ishq-baz jo laDke ki ghat mein

    ToTa hi le ke dete hain laDke ke hath mein

    mahtabi aa ke chhoDen hain laDke jo raat mein

    kya zarkiyan si chhoDe hain hans hans ke baat mein

    karti hai kaam un ke bhi yun jari shab-baraat

    jo ranDi-baz hain wo bahut dil mein shad ho

    kya kya anar chhoDe hain bishni ho ru-ba-ru

    ai bi tum apni kulhiya hamein chhoDne ko do

    aur chaho tum hamara ye hat-phul chhoD lo

    ho jae jis ke chhuTte hi phulwari shab-baraat

    aur jo bahaar-e-husn ke hain pak-baz yar

    gul-kari chhoDe hain jahan mahbub gul-ezar

    kahte hain un ko dekh ke aankhon mein kar ke pyar

    kya chahiye miyan tumhein hat-phul aur anar

    tum par to aap hoti hai ab wari shab-baraat

    ghanchakkar apne dam mein kahin charKH khate hain

    TonTe hawai sink kahin qahqahate hain

    zinpaT-zapaT paTaKHe kahin ghul machate hain

    laDkon ke bandh ghol kahin laDne jate hain

    karti hai phir to aisi dhunwadhaari shab-baraat

    aa kar kisi ke sar pe chhachhundar lagi kaDi

    upar se aur hawai ki aa kar paDi chhaDi

    ho gai gale ka haar paTaKHe ki har laDi

    panw se lipTi shor macha kar qalam tuDi

    karti hai phir to aisi sitamgari shab-baraat

    chehra kisi ka jal gaya aankhen jhulas gain

    chhai kisi ki jal gain bahen jhulas gain

    Tangen bachin kisi ki to ranen jhulas gain

    monchhen kisi ki phuk gain palken jhulas gain

    rakhe kisi ki daDhi pe chingari shab-baraat

    koi doston ko dil mein samajhta hai apne ghair

    koi dushmanon se dil ka nikale hai apna bair

    kahta hai wan 'nazir' bhi aatish ki dekh sair

    yarab to sab ki kijiyo barsa-baras ki KHair

    be-tarah kar rahi hai numudari shab-baraat

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY