shaffaf rang

shaam kī aahaT jab aane lag jaa.e

sābiqa libās utaar dene ke amal ko

mīzān-e-nazar par rakh lenā chāhiye

taaki vo mailā libās shaam kā hī hissa na ban jaa.e

hameñ ujle libās kī fikr karnī chāhiye

safed ujlā shaffāf rañg

tāhira libās kā hī hissa hai

aur ham is sub.h-yāfta libās ke

pahanñe ke ahl sābit ho ga.e to

najāt hī najāt hai

sifāt hī sifāt hai

lekin ham amal-e-tāhira se guzre baġhair

ujlā libās pahan kar bhī

apnī gard-e-kashāfat chhupā nahīñ pā.eñge

behtar hai amal-e-jāriya ko hī afzal māneñ

naqsh-e-mubīn hāsil ho jaa.e

makāñ ko makīñ, makīñ ko makāñ mil jaa.e

āsmāñ ko zamīñ zamīñ ko āsmāñ mil jaa.e

sham ki aahaT jab aane lag jae

sabiqa libas utar dene ke amal ko

mizan-e-nazar par rakh lena chahiye

taki wo maila libas sham ka hi hissa na ban jae

hamein ujle libas ki fikr karni chahiye

safed ujla shaffaf rang

tahira libas ka hi hissa hai

aur hum is subh-yafta libas ke

pahanne ke ahl sabit ho gae to

najat hi najat hai

sifat hi sifat hai

lekin hum amal-e-tahira se guzre baghair

ujla libas pahan kar bhi

apni gard-e-kashafat chhupa nahin paenge

behtar hai amal-e-jariya ko hi afzal manen

naqsh-e-mubin hasil ho jae

makan ko makin, makin ko makan mil jae

aasman ko zamin zamin ko aasman mil jae