shahid-e-hurriyat

na chheḌo qissa-e-jām-o-subū ko

bachāo mai-kade kī aabrū ko

miTā kar kitne insānoñ kī duniyā

sajā.ī apne aivānoñ kī duniyā

nigāhoñ meñ tumhāre fitna-ḳhū hai

bahāyā tum ne insāñ kā lahū hai

nahīñ hai ye riyā-kāroñ kī bastī

yahāñ raushan hai sham'-e-haq-parastī

nahīñ hai ḳhauf ham ko dhamkīyoñ kā

ḳhayāl aatā hai ham ko zaḳhmiyoñ kā

vatan kā har sipāhī naujavāñ hai

zabāñ par zindagī kī dāstāñ hai

sadā tābinda pā.inda raheñge

shahīd-e-hurriyat zinda raheñge

na chheDo qissa-e-jam-o-subu ko

bachao mai-kade ki aabru ko

miTa kar kitne insanon ki duniya

sajai apne aiwanon ki duniya

nigahon mein tumhaare fitna-KHu hai

bahaya tum ne insan ka lahu hai

nahin hai ye riya-karon ki basti

yahan raushan hai sham'-e-haq-parasti

nahin hai KHauf hum ko dhamkiyon ka

KHayal aata hai hum ko zaKHmiyon ka

watan ka har sipahi naujawan hai

zaban par zindagi ki dastan hai

sada tabinda painda rahenge

shahid-e-hurriyat zinda rahenge