shahr ke ek kushada ghar mein

Zehra Nigaah

shahr ke ek kushada ghar mein

Zehra Nigaah

MORE BYZehra Nigaah

    shahr ke ek kushāda ghar meñ

    apne apne kaam sambhāle

    maiñ aur ek mirī tanhā.ī

    ham donoñ mil kar rahte haiñ

    bāteñ karte rote hañste

    har dukh-sukh sahte rahte haiñ

    aaj ki jab sūraj bhī nahīñ thā

    phūloñ ke khilne ye mausam bhī nahīñ thā

    aur falak par chāñd ke chhā jaane hafta biit chukā thā

    darvāze ghanTī ne vo shor machāyā

    jis se puurā ghar tharrāyā

    ham donoñ hairān hue ki aisā raahī kaun rukā hai

    jo is ghar ko apnā ghar samajh rahā hai

    khiḌkī se bāhar jhāñkā to bas ik ḳhvāb manzar dekhā

    sūraj bhī dahlīz pe thā

    aur chāñd kivāḌ oT se lipTā jhāñk rahā thā

    phuul khile the

    ham ne is mehmān ko sar āñkhoñ pe biThāyā

    dil meñ jagah

    jo apne ham-rāh sabhī mausam le aayā

    thakī huī tanhā.ī ne mujh se

    thoḌī der ko mohlat māñgī

    maiñ ne us ko chhuTTī de

    saath meñ ye tākīd bhī kar

    dekho kal tum apne kaam pe jaldī aanā

    bhuul na jaanā

    ye raahī jo saare mausam le aate haiñ

    in ke raste saarī duniyā meñ jaate haiñ

    jis āñgan meñ chalnā sīkheñ

    us āñgan meñ ruk nahīñ paate

    ruk jaa.eñ to thak jaate haiñ

    shahr ke ek kushada ghar mein

    apne apne kaam sambhaale

    main aur ek meri tanhai

    hum donon mil kar rahte hain

    baaten karte rote hanste

    har dukh-sukh sahte rahte hain

    aaj ki jab suraj bhi nahin tha

    phulon ke khilne ka ye mausam bhi nahin tha

    aur falak par chand ke chha jaane ka hafta bit chuka tha

    darwaze ki ghanTi ne wo shor machaya

    jis se pura ghar tharraya

    hum donon hairan hue ki aisa rahi kaun ruka hai

    jo is ghar ko apna ghar hi samajh raha hai

    khiDki se bahar jhanka to bas ek KHwab sa manzar dekha

    suraj bhi dahliz pe tha

    aur chand kiwaD ki oT se lipTa jhank raha tha

    phul khile the

    hum ne is mehman ko sar aankhon pe biThaya

    dil mein jagah di

    jo apne ham-rah sabhi mausam le aaya

    thaki hui tanhai ne mujh se

    thoDi der ko mohlat mangi

    main ne us ko chhuTTi de di

    sath mein ye takid bhi kar di

    dekho kal tum apne kaam pe jaldi aana

    bhul na jaana

    ye rahi jo sare mausam le aate hain

    in ke raste sari duniya mein jate hain

    jis aangan mein chalna sikhen

    us aangan mein ruk nahin pate

    ruk jaen to thak jate hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY