aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

pompiye

Gulzar

pompiye

Gulzar

MORE BYGulzar

    Interesting Fact

    Pompeii was a tourist destination in Italy. There was such a huge volcanic eruption that the whole city was destroyed overnight. No one who witnessed the catastrophe survived.

    pompiye dafn thā sadiyoñ se jahāñ

    ek tahzīb thī poshīda vahāñ

    shahr khodā to tavārīḳh ke TukḌe nikle

    Dheroñ pathrā.e hue vaqt ke safhoñ ko ulaT kar dekhā

    ek bhūlī huī tahzīb ke purze se bichhe the har-sū

    munjamid laave meñ akḌe hue insānoñ ke guchchhe the vahāñ

    aag aur laave se ghabrā ke jo lipTe hoñ ge

    vahī maTke, vahī hāñDī, vahī TuuTe piyāle

    hoñT TuuTe hue, laTkī huī miTTī zabāneñ har-sū

    bhuuk us vaqt bhī thii, pyaas bhī thii, peT bhī thā

    hukmarānoñ ke mahal, un fasīleñ, sikke

    rā.ij-ul-vaqt jo hathiyār the aur un ke daste

    beḌiyāñ pattharoñ kii, āhanī, pairoñ ke kaḌe

    aur ġhulāmoñ ko jahāñ bāñdh ke rakhte the

    vo pinjre bhī bahut se nikle

    ek tahzīb yahāñ dafn hai aur us ke qarīb

    ek tahzīb ravāñ hai,

    jo mire vaqt hai

    hukmarāñ bhī haiñ, mahal bhī haiñ, fasleñ bhī haiñ

    jel-ḳhāne bhī haiñ aur gas ke chamber bhī haiñ

    hīroshīmā pe kitābeñ bhī sajā rakkhī haiñ

    beḌiyāñ āhanī hathkaḌiyāñ bhī steel haiñ

    aur ġhulāmoñ ko bhī āzādī hai, bāñdhā nahīñ jāatā

    merī tahzīb ne ab kitnī taraqqī hai

    pompiye dafn tha sadiyon se jahan

    ek tahzib thi poshida wahan

    shahr khoda to tawariKH ke TukDe nikle

    Dheron pathrae hue waqt ke safhon ko ulaT kar dekha

    ek bhuli hui tahzib ke purze se bichhe the har-su

    munjamid lawe mein akDe hue insanon ke guchchhe the wahan

    aag aur lawe se ghabra ke jo lipTe hon ge

    wahi maTke, wahi hanDi, wahi TuTe piyale

    honT TuTe hue, laTki hui miTTi ki zabanen har-su

    bhuk us waqt bhi thi, pyas bhi thi, peT bhi tha

    hukmaranon ke mahal, un ki fasilen, sikke

    raij-ul-waqt jo hathiyar the aur un ke daste

    beDiyan pattharon ki, aahani, pairon ke kaDe

    aur ghulamon ko jahan bandh ke rakhte the

    wo pinjre bhi bahut se nikle

    ek tahzib yahan dafn hai aur us ke qarib

    ek tahzib rawan hai,

    jo mere waqt ki hai

    hukmaran bhi hain, mahal bhi hain, faslen bhi hain

    jel-KHane bhi hain aur gas ke chamber bhi hain

    hiroshima pe kitaben bhi saja rakkhi hain

    beDiyan aahani hathkaDiyan bhi steel ki hain

    aur ghulamon ko bhi aazadi hai, bandha nahin jaata

    meri tahzib ne ab kitni taraqqi ki hai

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now