shaKHsiyyat ki mausiqi

Abdul Ahad Saaz

shaKHsiyyat ki mausiqi

Abdul Ahad Saaz

MORE BYAbdul Ahad Saaz

    vo qubūl-sūrat

    sāñvlī bhalī aurat

    thoḌā ruk ke dekheñ to

    kitnī ḳhūbsūrat hai

    us ke narm lahje meñ

    us soch ḳhushbū

    us ke zauq-e-poshish meñ

    halke halke rañgoñ ke

    intiḳhāb jaadū

    fikr javāñ kirneñ

    us rūp-rekhā.eñ

    añkhḌiyoñ meñ kuchh ḳhāke

    muztarib ḳhayāloñ ke

    uñgliyoñ meñ rachnā.eñ

    naġhma-e-takallum meñ

    zer-o-bam ka.ī ġhaltāñ

    zarf aur zarāfat ke

    zer-e-lab tabassum se

    khul ke muskurāne tak

    pech-o-ḳham ka.ī larzāñ

    iḳhtiyār-o-ādat ke

    sādgī meñ chehre

    sham.a ik farozāñ

    aañch dard-mandī

    lau kisī bulandī

    juñbish-e-ravish us

    narm-gām o āhista

    ik jahān-e-ra.anā.ī

    har nigāh-e-shā.ista

    kaif meñ latāfat ke

    tez hissiyat shāmil

    teġh se zehānat

    us har adā qātil

    vo qubūl-sūrat

    sāñvlī bhalī aurat

    thoḌā ruk ke dekheñ to

    kitnī ḳhūbsūrat hai!

    wo qubul-surat si

    sanwli bhali aurat

    thoDa ruk ke dekhen to

    kitni KHubsurat hai

    us ke narm lahje mein

    us ki soch ki KHushbu

    us ke zauq-e-poshish mein

    halke halke rangon ke

    intiKHab ka jadu

    fikr ki jawan kirnen

    us ki rup-rekhaen

    ankhDiyon mein kuchh KHake

    muztarib KHayalon ke

    ungliyon mein rachnaen

    naghma-e-takallum mein

    zer-o-bam kai ghaltan

    zarf aur zarafat ke

    zer-e-lab tabassum se

    khul ke muskurane tak

    pech-o-KHam kai larzan

    iKHtiyar-o-adat ke

    sadgi mein chehre ki

    shama ek farozan si

    aanch dard-mandi ki

    lau kisi bulandi ki

    junbish-e-rawish us ki

    narm-gam o aahista

    ek jahan-e-ranai

    har nigah-e-shaista

    kaif mein latafat ke

    tez hissiyat shamil

    tegh se zehanat ki

    us ki har ada qatil

    wo qubul-surat si

    sanwli bhali aurat

    thoDa ruk ke dekhen to

    kitni KHubsurat hai!

    Source:

    • Book : sargoshiyan zamanon ki (Pg. 106)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY