fuzūl hai
ye guftugū hai
nigāh dekhtī hai taaq meñ rakhī haiñ chand botaleñ
chalo chaleñ
chalo chaleñ jahāñ hameñ ḳhayāl hī na aa.e zindagī nazar kī bhuul hai
chalo chaleñ jahāñ ye dar ye dastakoñ pe dastakeñ sunā.ī hī na de sakeñ
jahāñ ye rauzan-e-zubūñ nigāh kī miḳhāsamat na kar sake
jahāñ khulī fazā khulī fazā ki jaise koī kah rahā ho aa.iye
ye kah rahī ho aa.iye khulī fazā hai ye yahāñ to aa.iye
magar khulī fazā meñ bhī kabhī gaḌhe kabhī sitāda peḌ kah rahe haiñ dekhiye
ye guftugū fuzūl hai
fuzūl hai
nigāh dekhtī hai taaq meñ rakhī haiñ chand botaleñ
chalo chaleñ
jo god maañ kī thī vo maañ kī god thī
vahāñ har ek baat jo fuzūl thī vo ek bhuul thī
nigāh dekhtī hai taaq meñ rakhī haiñ chand botaleñ
chalo chaleñ
bahan ye kah rahī thī ab to aap ghar basā hī leñ
maiñ sochtā thā kis kā ghar hamārā ghar tumhārā ghar
aur us pe bhaa.ī bol uThā fuzūl hai ye guftugū fuzūl hai
nigāh dekhtī hai taaq meñ rakhī haiñ chand botaleñ
chalo chaleñ jahāñ na koī taaq ho na chand botaleñ jahāñ na kah sakeñ chalo chaleñ
ye guftugū fuzūl hai
magar vahāñ koī gaḌhā na ho na koī peḌ ho
vahāñ sukūn-e-āḳhirī se jā mileñ
magar yahāñ bhī taaq par rakhī haiñ chand botaleñ
fuzul hai
ye guftugu hai
nigah dekhti hai taq mein rakhi hain chand botalen
chalo chalen
chalo chalen jahan hamein KHayal hi na aae zindagi nazar ki bhul hai
chalo chalen jahan ye dar ye dastakon pe dastaken sunai hi na de saken
jahan ye rauzan-e-zubun nigah ki miKHasamat na kar sake
jahan khuli faza khuli faza ki jaise koi kah raha ho aaiye
ye kah rahi ho aaiye khuli faza hai ye yahan to aaiye
magar khuli faza mein bhi kabhi gaDhe kabhi sitada peD kah rahe hain dekhiye
ye guftugu fuzul hai
fuzul hai
nigah dekhti hai taq mein rakhi hain chand botalen
chalo chalen
jo god man ki thi wo man ki god thi
wahan har ek baat jo fuzul thi wo ek bhul thi
nigah dekhti hai taq mein rakhi hain chand botalen
chalo chalen
bahan ye kah rahi thi ab to aap ghar basa hi len
main sochta tha kis ka ghar hamara ghar tumhaara ghar
aur us pe bhai bol uTha fuzul hai ye guftugu fuzul hai
nigah dekhti hai taq mein rakhi hain chand botalen
chalo chalen jahan na koi taq ho na chand botalen jahan na kah saken chalo chalen
ye guftugu fuzul hai
magar wahan koi gaDha na ho na koi peD ho
wahan sukun-e-aKHiri se ja milen
magar yahan bhi taq par rakhi hain chand botalen
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
