sharai circus ki gidaD

vahī sab thā

vahī ġham thā vahī rab thā

vahī atvār-e-kaukab the

vahī dastūr naḳhshab thā vahī sab thā

magar is baar ro lene kī āzādī bhī mujh se chhin ga.ī aise

ki ye kahnā paḌā pichhle dukhoñ meñ ik sukh to thā

kam-az-kam rone ke ḳhufiya tarīqe sochnā mujh ko na paḌte the

mujhe kahnā paḌā āḳhir

ki shāyad pahle hī circus meñ maiñ kuchh us se behtar thī

maiñ is circus meñ gīdaḌ huuñ

magar maiñ sābiqa circus meñ miTTī kī sahī par shernī thī maiñ

wahi sab tha

wahi gham tha wahi rab tha

wahi atwar-e-kaukab the

wahi dastur naKHshab tha wahi sab tha

magar is bar ro lene ki aazadi bhi mujh se chhin gai aise

ki ye kahna paDa pichhle dukhon mein ek sukh to tha

kam-az-kam rone ke KHufiya tariqe sochna mujh ko na paDte the

mujhe kahna paDa aaKHir

ki shayad pahle hi circus mein main kuchh us se behtar thi

main is circus mein gidaD hun

magar main sabiqa circus mein miTTi ki sahi par sherni thi main