aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

sharir bachche

Zafar Kamali

sharir bachche

Zafar Kamali

MORE BYZafar Kamali

    ham ko hai faḳhr is par ham haiñ sharīr bachche

    māhir haiñ apne fan meñ ham be-nazīr bachche

    pille ko ghar meñ laa.eñ bāñhoñ meñ ham jakaḌ kar

    mauqa.a mile to khīñcheñ billī dum pakaḌ kar

    dekheñ agar gad.he ko dāġheñ use salāmī

    apnā jo bas chale to us kareñ ġhulāmī

    bakre pe baiTh kar ham galiyoñ meñ roz ghūmeñ

    chūñ-chūñ kare jo chūza us ko zarūr chūmeñ

    bistar sabz chādar ḳhargosh ko uḌhā deñ

    munnū laal Topī bakre ko ham pahnā deñ

    dādā-miyāñ chashma āñkhoñ meñ ham lagā kar

    rasta chaleñ kamar ko apnī zarā jhukā kar

    aayā nasīhatoñ par ham ko na kaan denā

    murġhoñ ke saath mil kar bhaa.e azaan denā

    baajī har dupaTTa apnā bane amāma

    joker baneñ pahan kar bhayyā pā.ejāma

    sofoñ pe ḳhuub kūdeñ ūdham bahut machā.eñ

    mil jaa.e jo kanastar phir Dhol ham bajā.eñ

    garmī dopahar meñ bāġhoñ ḳhaak phāñkeñ

    chiḌiyoñ ke ghoñsloñ meñ ke roz jhāñkeñ

    amrūd hoñ jo kachche un ko zarūr toḌeñ

    sab kaam chhūT jaa.e ye kaam ham na chhoḌeñ

    paanī meñ rañg gholeñ us banā.eñ sharbat

    peḌoñ pe chaḌh ke baiTheñ samjheñ use parbat

    kutte ko dekhte dauḌā.eñ le ke DañDā

    apnī bahādurī lahrā.eñ ḳhuub jhanDā

    yāroñ ke saath mil kar qavvāliyāñ bhī gaa.eñ

    tabla bajā.eñ muñh se aur taan bhī uḌā.eñ

    insāf-var haiñ jitne vo is ko mānte haiñ

    duniyā har sharārat ham ḳhuub jānte haiñ

    ham ko hai faḳhr is par ham haiñ sharīr bachche

    māhir haiñ apne fan meñ ham be-nazīr bachche

    hum ko hai faKHr is par hum hain sharir bachche

    mahir hain apne fan mein hum be-nazir bachche

    pille ko ghar mein laen banhon mein hum jakaD kar

    mauqa mile to khinchen billi ki dum pakaD kar

    dekhen agar gadhe ko daghen use salami

    apna jo bas chale to us ki karen ghulami

    bakre pe baiTh kar hum galiyon mein roz ghumen

    chun-chun kare jo chuza us ko zarur chumen

    bistar ki sabz chadar KHargosh ko uDha den

    munnu ki lal Topi bakre ko hum pahna den

    dada-miyan ka chashma aankhon mein hum laga kar

    rasta chalen kamar ko apni zara jhuka kar

    aaya nasihaton par hum ko na kan dena

    murghon ke sath mil kar bhae azan dena

    baji ka har dupaTTa apna bane amama

    joker banen pahan kar bhayya ka paejama

    sofon pe KHub kuden udham bahut machaen

    mil jae jo kanastar phir Dhol hum bajaen

    garmi ki dopahar mein baghon ki KHak phanken

    chiDiyon ke ghonslon mein ja ja ke roz jhanken

    amrud hon jo kachche un ko zarur toDen

    sab kaam chhuT jae ye kaam hum na chhoDen

    pani mein rang gholen us ka banaen sharbat

    peDon pe chaDh ke baiThen samjhen use hi parbat

    kutte ko dekhte hi dauDaen le ke DanDa

    apni bahaduri ka lahraen KHub jhanDa

    yaron ke sath mil kar qawwaliyan bhi gaen

    tabla bajaen munh se aur tan bhi uDaen

    insaf-war hain jitne wo is ko mante hain

    duniya ki har shararat hum KHub jaante hain

    hum ko hai faKHr is par hum hain sharir bachche

    mahir hain apne fan mein hum be-nazir bachche

    Source:

    Bachchon Ka Bagh (Pg. 6)

    • Author: Zafar Kamali
      • Edition: 2014
      • Publisher: qaumi council baraye-farogh urdu
      • Year of Publication: 2014
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now