shirshak

ek badan thā ek thā saayā

jumbish bhar se thirke kaayā

jism kī aañch nazar se chhalkī

chhāñv pe Tapkī sulgā chhāyā

jhuktī uThtīñ kasmas lapTeñ

saayā badle saath karvaTeñ

jism kī chādar paak anchhuī

aur saa.e par shoḳh silvaTeñ

jism ko aag kā jaadū aa.e

aur jaadū par kab qaabū aa.e

soz-e-badan kā saayā mahke

chhāñv se jism kī ḳhushbū aa.e

ek badan tha ek tha saya

jumbish bhar se thirke kaya

jism ki aanch nazar se chhalki

chhanw pe Tapki sulga chhaya

jhukti uThtin kasmas lapTen

saya badle sath karwaTen

jism ki chadar pak anchhui

aur sae par shoKH silwaTen

jism ko aag ka jadu aae

aur jadu par kab qabu aae

soz-e-badan ka saya mahke

chhanw se jism ki KHushbu aae