shikar

hathiyār haath meñ liye saañs roke āñkheñ khole

shikār kī taak meñ baiThā huuñ maiñ chuuk kī koī gunjā.ish hī nahīñ

na zarā sī bhī nahīñ

ki halkī se halkī harakat par

āñkhoñ se ojhal ho jaane ke liye mash.hūr hai merā shikār

bijlī sā tez lomḌī sā chālāk-o-chatur hai mirā shikār

baḌā hī jokham bharā khel hai shikār

aañkh aur kaan bachā kar

sīdhe aañkh par dhāvā boltā hai merā shikār

aur aisī ḳhaufnāk āvāz

rātoñ kī niiñd uḌā detā hai merā shikār

shikār khilāḌiyoñ kā khel

shikār tāj-o-taḳht vāloñ kā khel

raajā mahārāja navāb o afsar

jagīr-dār zamīñdār viceroy governor

sadiyoñ se sāhiboñ ko masrūf rakhtā ye khel

maiñ bhī koī ḳhālī nahīñ baiThā

hathiyār haath meñ liye

saañs roke āñkheñ khole

shikār kī taak meñ baiThā huuñ maiñ

khiḌkī ke paar aḳhbār moḌe be-ḳhauf

makkhī ke intizār meñ baiThā huuñ maiñ

hathiyar hath mein liye sans roke aankhen khole

shikar ki tak mein baiTha hun main chuk ki koi gunjaish hi nahin

na zara si bhi nahin

ki halki se halki harakat par

aankhon se ojhal ho jaane ke liye mashhur hai mera shikar

bijli sa tez lomDi sa chaalak-o-chatur hai mera shikar

baDa hi jokham bhara khel hai shikar

aankh aur kan bacha kar

sidhe aankh par dhawa bolta hai mera shikar

aur aisi KHaufnak aawaz

raaton ki nind uDa deta hai mera shikar

shikar khilaDiyon ka khel

shikar taj-o-taKHt walon ka khel

raja mahaaraja nawab o afsar

jagir-dar zamindar wiceroy gowernor

sadiyon se sahibon ko masruf rakhta ye khel

main bhi koi KHali nahin baiTha

hathiyar hath mein liye

sans roke aankhen khole

shikar ki tak mein baiTha hun main

khiDki ke par aKHbar moDe be-KHauf

makkhi ke intizar mein baiTha hun main