shikwa

ai mire ishq batā aaj jafā-kāroñ ko

vādī-e-shauq se ham bhī to kabhī guzre the

kāsa-e-dil meñ sajā.e hue armānoñ ko

barg-e-gul haath meñ aur sarv-o-saman dāman meñ

ham surūr-e-ġham-e-jānāñ meñ bahut ġhaltāñ the

ham ko ma.alūm nahīñ thā kahīñ aisā to nahīñ

garmi-e-ishq jo baḌhtī hai to jal jaate haiñ

barg-o-gul sarv-o-saman gul ke muraqqe saare

yā kahīñ karda-o-nā-karda gunāhoñ ke sabab

in jafāoñ ko uThāne ke sazā-vār haiñ ham

ham gunāhgār siyahkār ḳhatā-kār sahī

hāla-e-rahm-o-karam se tire bāhar to nahīñ

imtihāñ aur sahī tū to magar vāqif hai

dil jo siine meñ dhaḌaktā hai vo patthar to nahīñ

ai mere ishq bata aaj jafa-karon ko

wadi-e-shauq se hum bhi to kabhi guzre the

kasa-e-dil mein sajae hue armanon ko

barg-e-gul hath mein aur sarw-o-saman daman mein

hum surur-e-gham-e-jaanan mein bahut ghaltan the

hum ko malum nahin tha kahin aisa to nahin

garmi-e-ishq jo baDhti hai to jal jate hain

barg-o-gul sarw-o-saman gul ke muraqqe sare

ya kahin karda-o-na-karda gunahon ke sabab

in jafaon ko uThane ke saza-war hain hum

hum gunahgar siyahkar KHata-kar sahi

haala-e-rahm-o-karam se tere bahar to nahin

imtihan aur sahi tu to magar waqif hai

dil jo sine mein dhaDakta hai wo patthar to nahin