shoalon ki baraat

har na.ī shaam nayā ḳhvāb sajātī jaa.e

ḳhvāb ik sail-e-fuġhāñ sho.ala-e-ġham

ḳhvāb ik sang-e-sharar-bār savād-e-mātam

ḳhvāb jo ḳhvāhish-e-tafsīr ko tanhā.ī kī sāzish samjhe

ḳhvāb jo fikr-e-guhar-bār ko fānūs kī gardish samjhe

chhan kī āvāz ke saath

tham ga.e saaz ke haath

aur phir chashm-e-sahar ne dekhā

ik na.ī shaam chalī aa.ī hai phir ḳhvāb liye

phir vahī silsila-e-sūd-o-ziyāñ

raat aa.ī bhī nahīñ

raaz hai larzāñ larzāñ

aur jab aa.egī raat

kaun Thahregā yahāñ dekhne

sho.aloñ kī barāt

har nai sham naya KHwab sajati jae

KHwab ek sail-e-fughan shoala-e-gham

KHwab ek sang-e-sharar-bar sawad-e-matam

KHwab jo KHwahish-e-tafsir ko tanhai ki sazish samjhe

KHwab jo fikr-e-guhar-bar ko fanus ki gardish samjhe

chhan ki aawaz ke sath

tham gae saz ke hath

aur phir chashm-e-sahar ne dekha

ek nai sham chali aai hai phir KHwab liye

phir wahi silsila-e-sud-o-ziyan

raat aai bhi nahin

raaz hai larzan larzan

aur jab aaegi raat

kaun Thahrega yahan dekhne

shoalon ki baraat