shofer

Shaad Aarfi

shofer

Shaad Aarfi

MORE BY Shaad Aarfi

    khaT... khaT... kaun? sabīha! kaise? yūñhī, koī kaam nahīñ

    pichhlī raat.. bhyānak garage.. kyā kuchh ho anjām.. nahīñ

    merā zimma.. maiñ bhugtūñgī.. tum par kuchh ilzām... nahīñ

    ham haiñ us aḳhlāq ke pairav, ham haiñ us tahzīb ke log

    jis meñ iffat ik ''mafrūza'' ismat jis meñ '''zehnī rog''

    jazboñ par pahre biThlānā kyā ''saudā-e-ḳhām'' nahīñ?

    do bachchoñ ke baap.. to kyā hai? ''dil ho insān javān''

    tum bhī aise ban jaao jaise ''mañjhle bhaa.ī jān...''

    saalī aur salaj par laTTū, biivī se hammām nahīñ

    un se.... vo.... tahzīb se ūñchī, chhoTe bhaa.ī se vaqtī chaah

    shauhar aa.e na aa.e lekin devar ''taktī haiñ rāh''

    ḳhvāhish takmīl bhī jārī, ''shādī bhī nākām nahīñ''

    naukar aur namak aur mazhab... in tavīloñ se baaz aao

    mardoñ aisī nekī par aa jaatā hai mujh ko taav

    aurat ke hoñToñ par Thappa ab maqbūl-e-ām nahīñ

    hafta bhar meñ ik din ''aisī laġhzish'' koī aib nahīñ

    zāhir hai paapā mammy ko hāsil ''ilm-e-ġhaib'' nahīñ

    kaalī rātoñ bātoñ se vāqif ''sub.h-o-shām'' nahīñ

    jaatī huuñ, ghabrāte kyuuñ ho? kyā añdhiyārī ghor nahīñ?

    do dil raazī ke baare meñ qaazī kuchh zor nahīñ

    lo... ye das note... tumhārī ''ujrat'' hai in.aam nahīñ

    khaT khaT kaun? sabiha! kaise? yunhi, koi kaam nahin

    pichhli raat bhyanak garage kya kuchh ho anjam nahin

    mera zimma main bhugtungi tum par kuchh ilzam nahin

    hum hain us aKHlaq ke pairaw, hum hain us tahzib ke log

    jis mein iffat ek mafruza ismat jis mein 'zehni rog

    jazbon par pahre biThlana kya sauda-e-KHam nahin?

    do bachchon ke bap to kya hai? dil ka ho insan jawan

    tum bhi aise ban jao na jaise manjhle bhai jaan

    sali aur salaj par laTTu, biwi se hammam nahin

    un se wo tahzib se unchi, chhoTe bhai se waqti chah

    shauhar aae na aae lekin dewar ki takti hain rah

    KHwahish ki takmil bhi jari, shadi bhi nakaam nahin

    naukar aur namak aur mazhab in tawilon se baz aao

    mardon ki aisi neki par aa jata hai mujh ko taw

    aurat ke honTon par Thappa ab maqbul-e-am nahin

    hafta bhar mein ek din aisi laghzish koi aib nahin

    zahir hai papa mammy ko hasil ilm-e-ghaib nahin

    kali raaton ki baaton se waqif subh-o-sham nahin

    jati hun, ghabraate kyun ho? kya andhiyari ghor nahin?

    do dil raazi ke bare mein qazi ka kuchh zor nahin

    lo ye das ka note tumhaari ujrat hai inam nahin

    Source:

    • Book : Jalta Hai Badan (Pg. 68)
    • Author : Zahid Hasan
    • Publication : Apnaidara, Lahore (2002)
    • Edition : 2002

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY