shri gurunanak dev ji

dars tirā thā amn-o-mohabbat

duur the tujh se buġhz-o-kudūrat

tujh meñ pinhāñ nūr-e-vahdat

kaisā kiina kaisī adāvat

ġhair ko tū ne apnā maanā

tujh se nānak sab ko aqīdat

baat baat meñ tarz-e-nau thī

terī dānish terī hikmat

sab ko sachchī raah dikhā.ī

tū thā sarāpā ek sadāqat

pyaar mohabbat dars hai terā

jhalak rahī hai jis kī azmat

nā-bīnā 'betāb' jo Thahre

dekh na paa.e terī sūrat

dars tera tha amn-o-mohabbat

dur the tujh se bughz-o-kudurat

tujh mein pinhan nur-e-wahdat

kaisa kina kaisi adawat

ghair ko tu ne apna mana

tujh se nanak sab ko aqidat

baat baat mein tarz-e-nau thi

teri danish teri hikmat

sab ko sachchi rah dikhai

tu tha sarapa ek sadaqat

pyar mohabbat dars hai tera

jhalak rahi hai jis ki azmat

na-bina 'betab' jo Thahre

dekh na pae teri surat