shua-e-farda
tīra-o-tār fazāoñ meñ sitam-ḳhurda bashar
aur kuchh der ujāle ke liye tarsegā
aur kuchh der uThegā dil-e-gītī se dhuāñ
aur kuchh der fazāoñ se lahū barsegā
aur phir ahmarīñ hoñToñ ke tabassum kī tarah
raat ke chaak se phūTegī shuāoñ kī lakīr
aur jamhūr ke bedār ta.āvun ke tufail
ḳhatm ho jā.egī insāñ ke lahū kī taqtīr
aur kuchh der bhaTak le mire darmāñda nadīm
aur kuchh din abhī zahrāb ke sāġhar pī le
nūr-afshāñ chalī aatī hai urūs-e-fardā
haal tārīk-o-sam-afshāñ sahī lekin jī le
tira-o-tar fazaon mein sitam-KHurda bashar
aur kuchh der ujale ke liye tarsega
aur kuchh der uThega dil-e-giti se dhuan
aur kuchh der fazaon se lahu barsega
aur phir ahmarin honTon ke tabassum ki tarah
raat ke chaak se phuTegi shuaon ki lakir
aur jamhur ke bedar taawun ke tufail
KHatm ho jaegi insan ke lahu ki taqtir
aur kuchh der bhaTak le mere darmanda nadim
aur kuchh din abhi zahrab ke saghar pi le
nur-afshan chali aati hai urus-e-farda
haal tarik-o-sam-afshan sahi lekin ji le
Source:
Kulliyat-e-Sahir Ludhianvi (Pg. 81)
- Author: SAHIR LUDHIANVI
-
- Publisher: Farid Book Depot (Pvt.) Ltd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.