siyani

vo laḌkī har pahelī buujh letī hai

use har muamma hal karnā aatā hai

har uljhan ko suljhā letī hai

har mas.ale kā hal talāsh kar letī hai

har mushkil ko āsān banā detī hai

har pareshānī duur kar detī hai

chāñd ke us paar kī ḳhabar le aatī hai

gahre samundar kī tah meñ jhāñk letī hai

hathelī par naqsh lakīreñ paḌh saktī hai

chehre par ubhrī huī tahrīreñ samajh jaatī hai

āñkhoñ meñ chhupe hue dard jaan letī hai

tamām savālāt ke javāb use aate haiñ

bas mere ek savāl kā javāb kabhī nahīñ detī

vo laḌkī hai yā koī pahelī hai

wo laDki har paheli bujh leti hai

use har muamma hal karna aata hai

har uljhan ko suljha leti hai

har masale ka hal talash kar leti hai

har mushkil ko aasan bana deti hai

har pareshani dur kar deti hai

chand ke us par ki KHabar le aati hai

gahre samundar ki tah mein jhank leti hai

hatheli par naqsh lakiren paDh sakti hai

chehre par ubhri hui tahriren samajh jati hai

aankhon mein chhupe hue dard jaan leti hai

tamam sawalat ke jawab use aate hain

bas mere ek sawal ka jawab kabhi nahin deti

wo laDki hai ya koi paheli hai