وبا کے دنوں میں ۶
دلچسپ معلومات
(زندگیوں میں بدلاؤ)
ہاتھ ملانے کی رسم
تب ایجاد ہوئی
جب ہتھیار پھینکنا
سیکھا جا چکا تھا
اور بغلوں میں چھریاں
عام ہونے لگی تھیں
زندگیوں میں بدلاؤ آیا
جاپانیوں نے دور سے جھک کر سلام کہنا سیکھا
دشمن اور دوست سے مناسب فاصلہ
ہمیشہ بنائے رکھا
ایٹمی طاقت سے تباہ کیے گئے
زندگیوں میں بدلاؤ آیا
اہل فارس نے چوہے سے
طاعون کا تعلق پہچانا
نعش کو کاٹ کر اعضا کا نقشہ بنایا
پہلی جراحی کی
اور مردوں کی بے حرمتی کی پاداش میں
بوعلی سینا کو سزا دی
زندگیوں میں بدلاؤ آیا
فرانسیسیوں نے چالیس دن کا کوارنٹائن ایجاد کیا
بندرگاہوں پر بیماریوں کا ویزا کینسل ہوا
صحت مند انسانوں کو ویزا ملنے لگا
زندگیوں میں بدلاؤ آیا
یہود کی منڈی میں
سونے کے سکے انسانوں سے کم پڑ گئے
کاغذ کا نوٹ ایجاد ہوا
اور پھر سب ادیان کی
اعتبار کی آیات کو
نوٹوں پر لکھ دیا گیا
زندگیوں میں بدلاؤ آیا
اگلے نئے بدلاؤ کے لیے
اسٹیج تیار کرنے میں
وبا کی مدد کرو
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
