aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

sota jagta saya

Shahzad Ahmad

sota jagta saya

Shahzad Ahmad

MORE BYShahzad Ahmad

    chalī ki mujhe terī zarūrat bhī nahīñ

    maiñ shab-o-roz miTTī se dobāra bhī janam le lūñgā

    maiñ jo zindoñ meñ huuñ zindoñ meñ nahīñ

    maiñ parindoñ meñ darindoñ meñ nahīñ

    faqat insānoñ meñ maujūd hai saaya merā

    muddateñ biit ga.ī haiñ magar anjām na aayā merā

    maiñ sipāhī to nahīñ phir bhī laḌī haiñ ka.ī jañgeñ maiñ ne

    pahlī jañg thī vo jis meñ kaTe haath mire

    dūsrī jañg meñ baazū bhī ga.e

    tīsrī jañg meñ phūTī mirī donoñ āñkheñ

    aur phir jañg pe jañg

    ab mire jism hissa nahīñ aisā koī

    jis meñ zaḳhmoñ ke nishāñ raat se kam gahre hoñ

    āḳhirī zaḳhm lagāyā ne

    ne ḳhāmoshī shamshīr se maarā mujh ko

    ab janam lenā hai duniyā meñ dobāra mujh ko

    phir na.e haath na.e baazū na.ī aañkh lagānī hai mujhe

    phir masīhā.ī dikhānī hai mujhe

    phir na.ī jañg karnī hai mujhe tayyārī

    aañkh ko phoḌnā hai DhūñDnī hai bedārī

    mujhe maar ke ḳhush thī ki maiñ mar jā.ūñgā

    sūkhī miTTī tarah ḳhud bikhar jā.ūñgā

    magar ai merī aziyyat amiiñ

    maiñ tire ḳhuun meñ maujūd rahūñgā har vaqt

    surḳh zarroñ tarah jin meñ havā hotī hai

    zinda rahne adā hotī hai

    mujhe kaun talvār se kāTegī batā

    ab safar merā tirī chaltī huī saañs ke andar hogā

    tu chali ja ki mujhe teri zarurat bhi nahin

    main shab-o-roz ki miTTi se dobara bhi janam le lunga

    main jo zindon mein hun zindon mein nahin

    main parindon mein darindon mein nahin

    faqat insanon mein maujud hai saya mera

    muddaten bit gai hain magar anjam na aaya mera

    main sipahi to nahin phir bhi laDi hain kai jangen main ne

    pahli hi jang thi wo jis mein kaTe hath mere

    dusri jang mein bazu bhi gae

    tisri jang mein phuTi meri donon aankhen

    aur phir jang pe jang

    ab mere jism ka hissa nahin aisa koi

    jis mein zaKHmon ke nishan raat se kam gahre hon

    aaKHiri zaKHm lagaya tu ne

    tu ne KHamoshi ki shamshir se mara mujh ko

    ab janam lena hai duniya mein dobara mujh ko

    phir nae hath nae bazu nai aankh lagani hai mujhe

    phir masihai dikhani hai mujhe

    phir nai jang ki karni hai mujhe tayyari

    aankh ko phoDna hai DhunDni hai bedari

    tu mujhe mar ke KHush thi ki main mar jaunga

    sukhi miTTi ki tarah KHud hi bikhar jaunga

    magar ai meri aziyyat ki amin

    main tere KHun mein maujud rahunga har waqt

    surKH zarron ki tarah jin mein hawa hoti hai

    zinda rahne ki ada hoti hai

    tu mujhe kaun si talwar se kaTegi bata

    ab safar mera teri chalti hui sans ke andar hoga

    Source:

    Deewar pe dastak (Pg. 643)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now