subah ka intizar kaun kare

qayāmat kab nahīñ aa.ī

sukūñ se āshnā kab haiñ

magar ab bhī ji.e jaate haiñ ham aur tum

gunāhoñ ke talazzuz se kabhī guzre

kabhī pākīzgī hī ḳhud

hamāre paañv kī zanjīr bantī hai

yahī ik silsila hai

qayāmat ḳhatm hone tak yahī chaltā rahegā

ḳhushī kā ek pal aa.e

hazāroñ karb ke badle

to ye lagtā hai jaane kyoñ

koī vaqfa ġhanīmat hai

agar jiinā muqaddar hai

agar chāho abhī kuchh aur jī leñ ham

to zillat jabr aur rusvā.iyoñ ke

ka.ī advār dekheñge

laboñ par ḳhāmushī jazbāt par pahre

usūl-e-zindagī ke ab

na.e sab zābte hoñge

qayāmat ḳhatm hone tak

jo chāho tum sar-e-taslīm ḳham kar lo

vagarna phir

nadāmat oḌh kar hijrat pe āmāda

kafan Dhote hue logoñ ko aane do

qayamat kab nahin aai

sukun se aashna kab hain

magar ab bhi jie jate hain hum aur tum

gunahon ke talazzuz se kabhi guzre

kabhi pakizgi hi KHud

hamare panw ki zanjir banti hai

yahi ek silsila hai

qayamat KHatm hone tak yahi chalta rahega

KHushi ka ek pal aae

hazaron karb ke badle

to ye lagta hai jaane kyon

koi waqfa ghanimat hai

agar jina muqaddar hai

agar chaho abhi kuchh aur ji len hum

to zillat jabr aur ruswaiyon ke

kai adwar dekhenge

labon par KHamushi jazbaat par pahre

usul-e-zindagi ke ab

nae sab zabte honge

qayamat KHatm hone tak

jo chaho tum sar-e-taslim KHam kar lo

wagarna phir

nadamat oDh kar hijrat pe aamada

kafan Dhote hue logon ko aane do