sukun

na zahr-e-ḳhand laboñ par, na aañkh meñ aañsū

na zaḳhm-hā-e-darūñ ko hai justujū-e-ma.āl

na tīrgī kā talātum, na sail-e-rañg-o-nūr

na ḳhār-zār-e-tamannā meñ gumrahī kā ḳhayāl

na ātish-e-gul-e-lāla kā daaġh siine meñ

na shorish-e-ġham-e-pinhāñ na ārzū-e-visāl

na ishtiyāq, na hairat, na iztirāb, na sog

sukūt-e-shām meñ khoī huī kahānī kā

tavīl raat kī tanhā.iyāñ nahīñ be-rañg

abhī huā nahīñ shāyad lahū javānī kā

hayāt o maut kī had meñ haiñ valvale chup-chāp

guzar rahe haiñ dabe paañv qāfile chup-chāp

na zahr-e-KHand labon par, na aankh mein aansu

na zaKHm-ha-e-darun ko hai justuju-e-maal

na tirgi ka talatum, na sail-e-rang-o-nur

na KHar-zar-e-tamanna mein gumrahi ka KHayal

na aatish-e-gul-e-lala ka dagh sine mein

na shorish-e-gham-e-pinhan na aarzu-e-visal

na ishtiyaq, na hairat, na iztirab, na sog

sukut-e-sham mein khoi hui kahani ka

tawil raat ki tanhaiyan nahin be-rang

abhi hua nahin shayad lahu jawani ka

hayat o maut ki had mein hain walwale chup-chap

guzar rahe hain dabe panw qafile chup-chap