sukut-e-shab mein

vo ek raat thī aisī ki qadr-o-asrā ne

nigāh apnī jamā.ī to phir haTā.ī nahīñ

vo regzār ke siine pe nasb ik ḳhema

na jaane kaun sī tārīḳh likhne vaalā thā

sukūt-e-shab meñ bhī aahaT thī inqilāboñ kī

sajī thī bazm vahāñ āsmāñ janāboñ kī

havā-e-dasht bhī āhista-pā guzartī thī

savere ma.arka honā thā haqq-o-bātil meñ

ajiib josh thā jazba thā jāñ-nisāroñ meñ

vo jāntā thā vafādār haiñ sabhī nāsir

vo sar kaTā.eñge lekin na saath chhoḌeñge

charāg-e-ḳhema bujhāne kā ye na thā maqsad

ki us ko yāvar-o-ansār ko parakhnā thā

vo raushnī meñ unheñ laanā chāhtā thā faqat

wo ek raat thi aisi ki qadr-o-asra ne

nigah apni jamai to phir haTai nahin

wo regzar ke sine pe nasb ek KHema

na jaane kaun si tariKH likhne wala tha

sukut-e-shab mein bhi aahaT thi inqilabon ki

saji thi bazm wahan aasman janabon ki

hawa-e-dasht bhi aahista-pa guzarti thi

sawere marka hona tha haqq-o-baatil mein

ajib josh tha jazba tha jaan-nisaron mein

wo jaanta tha wafadar hain sabhi nasir

wo sar kaTaenge lekin na sath chhoDenge

charag-e-KHema bujhane ka ye na tha maqsad

ki us ko yawar-o-ansar ko parakhna tha

wo raushni mein unhen lana chahta tha faqat