surKH suraj

sāl-e-nau ke calender kī

tasvīr bhī

hai na.e zāviye se tarāshī huī

kuchh na.e rang ḳhākoñ meñ

ubhre hue dekh kar

talḳhī-e-zīst hairāñ huī

un kī shādābiyāñ dekh kar

muskurāne lagī

ḳhud hī ye soch kar

kitne pal aur Thahreñgī shādābiyāñ

kitne din rang Thahre raheñge yahāñ

kyūñki un kā muhāfiz bhī hogā vahī

jis ke raushan ujāloñ se

har rang phīkā paḌā

ab na.e saal kā

surḳh sūraj ubharne to do

vo baḌī shaan se

is calender kī tasvīr ke

ḳhushnumā rang saare nigal jā.egā

aur anjān sā

phir se ubhregā

agle baras

jaise kuchh jāntā hī nahīñ

sal-e-nau ke calender ki

taswir bhi

hai nae zawiye se tarashi hui

kuchh nae rang KHakon mein

ubhre hue dekh kar

talKHi-e-zist hairan hui

un ki shadabiyan dekh kar

muskurane lagi

KHud hi ye soch kar

kitne pal aur Thahrengi shadabiyan

kitne din rang Thahre rahenge yahan

kyunki un ka muhafiz bhi hoga wahi

jis ke raushan ujalon se

har rang phika paDa

ab nae sal ka

surKH suraj ubharne to do

wo baDi shan se

is calender ki taswir ke

KHushnuma rang sare nigal jaega

aur anjaan sa

phir se ubhrega

agle baras

jaise kuchh jaanta hi nahin