surma ho ya tara

dard kī lazzat se nā-vāqif ḳhushbū se mānūs na thā

mere ghar kī miTTī se vo shaḳhs bahut begāna thā

taare chunte chunte jis ne phuul nazar-andāz kiye

ḳhvāb kise mālūm nahīñ haiñ lams kise mahbūb nahīñ

lekin jo tābīr na jaane us ko uuñgh bhī lenā aib

raat kī qīmat hijr meñ samjhī jis ne aañsū nuur bane

zaḳhm se uThne vaalī Tīseñ os kī ThanDak piitī haiñ

aaj na pūchho dukhne lagī hai surme se kyuuñ us kī aañkh

jis ko sunahre din kā sūraj kirneñ bāñTne aatā thā

patthar āḳhir patthar hogā surma ho yā taarā ho

dard ki lazzat se na-waqif KHushbu se manus na tha

mere ghar ki miTTi se wo shaKHs bahut begana tha

tare chunte chunte jis ne phul nazar-andaz kiye

KHwab kise malum nahin hain lams kise mahbub nahin

lekin jo tabir na jaane us ko ungh bhi lena aib

raat ki qimat hijr mein samjhi jis ne aansu nur bane

zaKHm se uThne wali Tisen os ki ThanDak piti hain

aaj na puchho dukhne lagi hai surme se kyun us ki aankh

jis ko sunahre din ka suraj kirnen banTne aata tha

patthar aaKHir patthar hoga surma ho ya tara ho