Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

surod-e-zindagi

Sabir Abuhari

surod-e-zindagi

Sabir Abuhari

MORE BYSabir Abuhari

    Interesting Fact

    (ماخوذ ازلانگ فیلو)

    ai dil-e-ġham-gīñ na kah ye zindagī ik ḳhvāb hai

    zindagī hai ik haqīqat gauhar-e-nāyāb hai

    zindagī ik valvala hai zindagī ik josh hai

    dāman-e-tūfāñ meñ ik hangāma-e-ḳhāmosh hai

    go ba-zāhir zindagī ik naġhma-e-be-sāz hai

    gosh-e-hāzir ke liye ye ġhaib āvāz hai

    zindagī dasht-o-bayābāñ be-ḳhabar ke vāste

    rashk-e-sad-bāġh-e-iram ahl-e-nazar ke vāste

    zindagī aish-o-tarab meñ ḳhush kabhī rahtī nahīñ

    ye kalī khiltī nahīñ jab tak alam sahtī nahīñ

    gor is manzil-e-maqsūd ai ġhāfil nahīñ

    bahr-e-be-pāyāñ hai ye is koī sāhil nahīñ

    ho asar-andāz is par maut meñ ye dam nahīñ

    zindagī miT jaa.e to bhī bā.is-e-mātam nahīñ

    silsila hai irtiqā zindagī insān

    tāza-dam hotī hai jām-e-marg kar zindagī

    zindagī hai nafs ko zer-e-nagīñ laane naam

    zindagī hai maut had se guzar jaane naam

    ahd-e-māzī laakh raushan ho magar be-sūd hai

    sub.h-e-fardā ziyāoñ par nazar be-sūd hai

    haal ke lamhe haiñ zarrīñ un dāman thaam le

    musta.id ho kar amal kar jazb-e-dil se kaam le

    ḳhūgar-e-taqlīd ho to zindagī bekār hai

    dūsroñ pairvī ik rog hai āzār hai

    kashtī-e-nau-e-bashar nāḳhudā ban kar dikhā

    ḳhizr bhī sajda kare vo rahnumā ban kar dikhā

    zindagī terī misāl-e-mard-e-maidāñ ho aziim

    tuur ho ye jism-e-ḳhākī ruuh mānind-e-kalīm

    rahguzar terī basān-e-kahkashāñ tābāñ rahe

    terī hastī par zamāna tā-abad nāzāñ rahe

    ai dil-e-gham-gin na kah ye zindagi ek KHwab hai

    zindagi hai ek haqiqat gauhar-e-nayab hai

    zindagi ek walwala hai zindagi ek josh hai

    daman-e-tufan mein ek hangama-e-KHamosh hai

    go ba-zahir zindagi ek naghma-e-be-saz hai

    gosh-e-hazir ke liye ye ghaib ki aawaz hai

    zindagi dasht-o-bayaban be-KHabar ke waste

    rashk-e-sad-bagh-e-iram ahl-e-nazar ke waste

    zindagi aish-o-tarab mein KHush kabhi rahti nahin

    ye kali khilti nahin jab tak alam sahti nahin

    gor is ki manzil-e-maqsud ai ghafil nahin

    bahr-e-be-payan hai ye is ka koi sahil nahin

    ho asar-andaz is par maut mein ye dam nahin

    zindagi miT jae to bhi bais-e-matam nahin

    silsila hai irtiqa ka zindagi insan ki

    taza-dam hoti hai jam-e-marg pi kar zindagi

    zindagi hai nafs ko zer-e-nagin lane ka nam

    zindagi hai maut ki had se guzar jaane ka nam

    ahd-e-mazi lakh raushan ho magar be-sud hai

    subh-e-farda ki ziyaon par nazar be-sud hai

    haal ke lamhe hain zarrin un ka daman tham le

    mustaid ho kar amal kar jazb-e-dil se kaam le

    KHugar-e-taqlid ho to zindagi bekar hai

    dusron ki pairwi ek rog hai aazar hai

    kashti-e-nau-e-bashar ka naKHuda ban kar dikha

    KHizr bhi sajda kare wo rahnuma ban kar dikha

    zindagi teri misal-e-mard-e-maidan ho azim

    tur ho ye jism-e-KHaki ruh manind-e-kalim

    rahguzar teri basan-e-kahkashan taban rahe

    teri hasti par zamana ta-abad nazan rahe

    Source :
    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now